19. Mañña Irod sɵᵢrmest, kīč, Jimmel ieñkal nakrest iẟij Oaska Jegīpet iemnjest,
20. I sārn: kocc’, vāᵢlt pāᵢrn īnnijnis, mɵ̄n’ Izrail iemnja; tɵnn guɵjk što jāmmi̊n pāᵢrn jīñk ōccej.
21. Son koccaj, vḁᵢltij pāᵢrn i sōn’ ienn, i pūẟij Izrail iemnja.
22. Kuɵᵢss son kuli̊j, što Arχelaj Iud'ējest lī cḁrren Irod sajest, aᵢǯes ɵvtel, son pɵli̊j toɣ’ mɵnnem; te pākaj suᵢnne nakrest Jimmel (mɵnneẟ), i son vūᵢlkij Galilej rḁjij si̊z.
23. I pūẟij toɣ’ i iel’χɵẟij laᵢnnest nɵmmeẟ mīlt Nāzaretest, što šɵntahč pajjel prōroki̊j sārnmuššeẟ mīlt, što son leańč kohčjeẟ Nāzaretlińčen.
Koalmant ḁlkχɵš.
Tɵj pījvij poatt Ɵvvan ri̊stj, i sārn Jimmel sḁɣijt Iudēj miecest,
2. I cealhk: kḁjẟɵtteẟ; tɵnn guɵjk što aᵢltla lī poattańč aᵢlm cḁr’-valt.
3. Tɵnn guɵjk što son lī tɵtt, konn bajas prōrok Isajja cīlkij: kukχɵllej jīnn miecest: vḁlmšekkeẟ vāra Šuᵢrre, tujšekkeẟ čūhki̊jt suᵢnne vujkėst.
4. Īčč-še Ɵvvan ōnij āskijt verblūẟ sɵχsmest i nāᵢhk-poakkań pi̊rr čoalɵšmes; a pierken sonst lejjin sujn-ńuᵢčkej i miehc-mītt.
5. Tanna Ierusalim i pūkk Iud'ej i pūkk iemńe-koᵢnt pi̊rr Jorẟan vijẟenin suᵢnne,
6. I sij ri̊stnɵᵢtten sonst Jorẟanest i kḁjẟɵᵢtten rīkijnis.
7. Nu kuɵᵢss Ɵvvan ujnij ienneɣ farisejjeẟ i saẟukejjeẟ īǯes korra puɵᵢttem ri̊stnɵttem vāras, cīlkij sijje: kūvẟ šɵntus tij! kie tijje pākaj vīččeẟ puɵᵢttej sientmušest pḁɣo.
8. Te tuj’šekkeẟ kḁjẟɵtmuš ḁᵢneχej šantajt;
9. I ielleẟ juᵢrteẟ sārneẟ īčsant: aᵢčč mīnest lī Abram; tɵnn mīlt što mun sārnam tijje, što Jimmel oajj tajn kīẟgijn pajas paj’nested pārnajt Abrmā.
10. Uže i ḁkš orr mūrij mḁntkijn: juᵢkke mūrr, kū ij puᵢt šīɣ’ šantajt, čūhpjeβ i suɵhpjeβ toᵢlle.
11. Mun ri̊sttam tieni̊jt čāʒest kḁjẟɵtmuᵢšše; nu lī mūn’ mīlt puɵᵢttej sḁmjamp munneẟ; mun i̊m ḁᵢneht kūᵢnteẟ sōn’ kḁmgijt; son ri̊stleškoatt tieni̊jt Paᵢss-vujñsin i tōli̊jn.
12. Son’ koajv lī kīẟest sonst i son čīlk īǯes jāvv-siemen-tāk-
