kɵm-pɵrt, i kōpč pšenices ajhta, a jāvv-šɵntem-sujn son poalt’ čḁcknaᵢhtem tōli̊jn.
13. Tanna poatt Isus Galilējest Jordne, Ɵvvan gorra ri̊stnɵtteẟ sōnest.
14. Ɵvvan-že tūᵢlsɵli̊j sōn’, i sārnaj: mi̊ᵢnne bi̊tt ri̊stnɵtteẟ tōnst, i tonna mi̊ᵢnne poaẟaχ?
15. A Isus cīlkij soᵢnne vuɵsta: kūᵢẟe aᵢtt nitt; tɵnn guɵjk što nitt mijje šieht tuj’šeẟ juᵢkke vujkeẟvūẟ’. Tanna Ɵvvan luɵšt sōn’.
16. I ri̊stnɵtmańč Isus vakti̊ńńe čāʒest vijẟij; i kīč, aᵢlm’ soᵢnne āvni̊n, i ujnij Ɵvvan Jimmel vujñas, kū vɵlas pūẟij, goᵢtt kōluᵢp, i nījij sōn’ ɵl’.
17. I kīč, sārnešɣūẟij aᵢlmijn jīnn: Tātt lī mūn’ šḁb’šem aᵢlk, kū lī mūn’ jiñkeẟ mīlt.
N'ealjant ḁlkχɵš.
Tanna leaj Isus vi̊kmańč vujñsin miehc-pajhka, kīhčlem vāras cuɵᵢrtest.
2. I kuɵᵢss son pāᵢzχij ńielj-loᵢɣe piejveẟ i ńielj-loᵢɣe ijjeẟ, nealgešgūẟij maᵢñ’muᵢsse.
3. I pūẟij kīhčlej soᵢnne, i cīlkij: būẟi ton Jimmel aᵢlk, cielk što lehčin tākk kieẟg’ lejpen.
4. Son-že cīlkij soᵢnne vuɵsta: lī kirjχańč: ij lińče ɵvti̊n lijpin ielleẟ olmuńč, a juᵢkke sḁnijn, kū vijt Jimmel ńāᵢlmest.
5. Mañña test vālt sōn’ cuɵᵢrht paᵢss-lanna, i cieñkaht sōn’ cieᵢrkɵv lāẟv ɵl’,
6. I sārn soᵢnne: būẟi ton lińčiχ Jimmel aᵢlk, suɵhpjeẟ vɵlas; tɵnn guɵjk što lī kirjχańč: son pāhk īǯes ieñklijt tōn’ vāras, i sij kūᵢntešɣuotteβ’ tōn’ kīẟijẟis aᵢln, i̊k ton kūskče keaẟga jūlgijnant.
7. Isus cīlkij soᵢnne: lī kirjχańč nitt-še: ieᵢl’ ton kīhčeᵢl’ Šur’, īǯant Jimmel.
8. Vaᵢst valt sōn’ cuɵᵢrht i vi̊kk čevta ɵll tieᵢrm ɵl’, i vuɵz’χal soᵢnne pūkijt tānn aᵢlm cḁr’-iemnijt i sien’ slāᵢv’.
9. I sārn soᵢnne: mun pūkk tɵ-lajte toᵢnne andam, būẟi koᵢmmerińčiχ mi̊ᵢnne juɵlka.
10. Tanna Isus soᵢnne sārn: ujt munst iers sajja, sḁhtan; tɵnn guɵjk što lī kirjχańč: Šuᵢrre, tōn’ Jimm’la kommɵrdɵl’, i ɵvt soᵢnne služ’.