9. A milmānɵs cilkiš vuosta: štobi̊ ij lečči pūtmuš i mīst i tīst, mɵnnɵd puoreap mīgɵjid gāra i vuoᵢste īčsant.
10. Koᵢs-že sij vuᵢlkiš vuoᵢsteẟ; pūdij vuntam, i valmuš mɵᵢnniš sujn najm-vearra, i uvz kattɵjiš.
11. Mañña poaᵢdet i jāres nijd, i sarnet: Hospodi, Hospodi, āᵢvved mijjit.
12. A son cilkij sijjit vuosta: vujkist sarnam tijjit, im tied tijjit.
13. I nuᵢt valvɵdēkke; tɵn-det što jēpped tied ni pejv, ni cās, kon pōtt olmu ɵᵢlk.
14. Nuᵢt son tujjaj, maχt olmɵᵢš, ku vulkal vieres mantu, kočij īǯes pākaldɵzit, i askɵdij sijji kitte īǯes jelmuš.
15. I ɵvte son ɵᵢndij vītt tālantet, numpa koχt, motme ɵvt, jukikańče sū vig melt; i tovda vuᵢlgij.
16. Ku vaᵢldij vīt tālantet, vuᵢlgij, ɵᵢnij sijjit tujji ɵl, i vāllɵšij numbit vīt tālantet.
17. Nuᵢt nuᵢd-že i tɵt, ku vaᵢldij koχt tālantet, vālšij numbit koχt tālantet.
18. A ku vaᵢldij ɵvt tālant, vuᵢlgij, i kojvɵj sū mantu i kāᵢtij īǯes χozjin silp.
19. Kuᵢhk ajkin pōtt tɵjt pākaldɵzit χozjin i kačč sist log.
20. I pudij tɵt, ku vaᵢldij vit tālantet, puvti numbit vit tālantet i sarn: χozjin! vit tālantet ton ɵᵢntik muᵢnne; kič, numbit vit tālantet mun vāll’šɵᵢm sijji ɵl.
21. Su χozjin cilkij suᵢnne: puoᵢr lī, šīɣ i vujk pākaldɵs! vāᵢnnest ton lejik vujk; jennɵj ɵᵢln tu pijam; mɵn tu χozjin rāmse.
22. Pūdij nuᵢt-že, ku vaᵢldij koχt tālantet, i cilkij: χozjin! koχt tālant ton ɵᵢntik muᵢnne; kīč, veal koχt tālant mun vāll’šɵm sijji ɵl.
23. Su χozjin cilkij suᵢnne: puoᵢr, šīɣ i vujk pākaldɵs! vāᵢnnest ton lejik vujk; jennɵj ɵᵢln tu pijam; mɵn tu χozjin rāmse.
24. Pūdij i ku vaᵢldij ɵvt tālant, i cilkij: χozjin! mon tīttim tū, ton leak kɵr olmɵš, čūppak, koᵢst ik puštam sim, i čoñgak, koᵢst ik koᵢmetamańč;
25. I pɵᵢltim, vuᵢlkim, kāᵢttim tū tālant mantu; taᵢl tuᵢnne tū.
26. A sū χozjin cilkij suᵢnne vuosta: venne-juᵢrdij pākaldɵs i lāškes! ton tīttik, mun čūpam, koᵢst jim puštmańč, i čoañgam koᵢst jim kuometam.
UGOR FÜZETEK. 1.
5