19. A kɵvr jārassɵᵢt i čič-portijit tɵjd pejvid.
20. Ajjestēkke, ī šɵndači tijji určmuš talva ili sōvet.
21. Tɵn-det što tanna leńč šur kɵp, mɵᵢntem elmańč mier’ kēǯest anjeńč rajja i ī leńč.
22. I koᵢt jē uonnadaččiš tɵk pejv, ij pastɵdɵči ni ɵχt lešk’; a vall’šamɵ-det tɵk pejv uonnɵdet.
23. Tanna leǯǯi kī cealk tijjit: kīč, taᵢst lī Xristos; ili tombe; jelled askɵd.
24. Tɵn-det što kocc’jet kēles-χristi i kēles-prōroki, i ɵᵢndet šur čoajetumužit, i čuᵢd-vūdet, reahka kēssem-det, koᵢt vājet, i vāllɵšammet.
25. Nuᵢt, mon ɵvdest cilkim tijjit.
26. I nuᵢt, lečči ceᵢlket tijjit: kīč, son lī puᵢst pajkest, jēlled mɵnnɵd; kīč, son lī pejt-pɵrtɵᵢn, jēlled ask.
27. Tɵn-det maχt termes-kask mann nuᵢrtjest i kostɵj ja zāpad rajja, nuᵢt leńč olmɵ ɵᵢlg poᵢttem-nal.
28. Ja koᵢst leńč jāmmij lešk, toᵢmbe čoñk’dedet koᵢckem’.
29. I aχtnas mañña tɵjde pejvɵd kɵbest, pejv sevńad, i man ij aᵢnd’ īǯes čuvva, i tāst kɵᵢččet ɵᵢlmest i ɵᵢlm’ viɣ sojjeteškuodet.
30. Tanna ett olmɵ ɵᵢlj’ čojjetomuš ɵᵢlmest; i tanna reagaškuodet puk mand-rod, i ujnɵstet olmɵ ɵᵢlg’ potmen ɵᵢlm pɵlvɵ ɵᵢln jennɵᵢn vīgɵᵢn i ɵll-nɵmɵᵢn.
31. I vulgat īǯes angelit jiñsɵńč trubbin, i coᵢñget sū vāll’šɵmmɵᵢt ńel͘l͘en piñgɵᵢn ɵᵢlm čoarast i sij čoar˃ rajja.
32. Smokov-mūrest vaᵢlte mokamvūd: koᵢs sū ovᵢz šɵᵢndeškuoᵢtte suppɵd i lušt’let lɵstɵt; tanna tiette, što kiess lī ɵᵢlt.
33. Nuᵢt koᵢs ujnviette tan puk, tiette, što ɵᵢlt lī, uvzɵ put.
34. Vujkest sarnam tijjit: ij pūd tāt pulv-šant, kon tāt puk leńč.
35. Ɵᵢlm i mant pūdet; a mu sāg jē pūd.
36. A tɵn pejvest i čāssɵst ni kī ij tied, ni ɵᵢlm anjel, ɵχt mū jēč.
37. A maχt leaj Noj pejvɵᵢt, nuᵢt leńč i olmɵ ɵᵢlg poᵢttem nāᵢlest.
38. Nuᵢt maχt ɵvd-belt kɵckɵm-bāᵢl poᵢrriš, juᵢkkiš, najtlɵᵢttiš i vɵjtiš kujje tɵn pejv rajja, koᵢss Noj mɵnij kovčegi;
39. I jet jortmańč, kon ij poatmańč kɵckmuš i loptmańč pukɵᵢd: nuᵢt i leńč olmɵ ɵᵢlg poᵢttem naᵢll.