3. I nuᵢt puk, mɵjt sij pākɵᵢt tijjit rukkedɵd, rukk’dēppe i tujješēkke; a sij tujje mieᵢlt jelle mɵnnɵd: tɵn-det što sij sarnɵᵢt i jet tujjed.
4. Si kuor’det loᵢsses i kuᵢndetemes nuoᵢddit i pijjet oᵢlgi ɵl ɵlmɵᵢt; a īǯ jē tāt ni surmen likkastatte sijjit.
5. A puk īǯes tujjit tujjet tɵn-det, štobi ujn’čiš sijjit olmu; sij χɵrrɵšet īǯes perveskit i suᵢredet īǯes āssɵji sojjit.
6. I nuᵢt savv’šet vɵnn’jed vus-sajjin pīrin i ārrɵd parrasamus sajjin sinagōgin,
7. I cestatmuž olmɵ čoñkmužɵᵢn, i štobɵ olmu koᵢččičiš sijjit: vuopistij! vuopistij!
8. A tij jēpped nɵm’ded vuop’sten, tɵn-det što ɵχt lī tist vuopistij Xristos; a puk tij lēpped vīl͘l͘ež.
9. I ēǯin īǯat jelled nɵmmɵᵢt ni ɵvt mānẟ ɵᵢln: tɵn-det što ɵχt lī tist īč, kū lī ɵᵢlmest.
10. I jelled nɵmmɵdɵᵢd vuopestɵᵢn; tɵn-det što ɵχt tist lī vuop’stij, Xristos.
11. Šoᵢrmus tist aᵢn leńč tijjit pākaldɵs.
12. Ton-det što kū ɵllɵnat īǯes, tɵt vuoᵢlledamańč leńč; a kū vuoᵢllead īǯes, tɵt pajjan.
13. Kɵvr tijjit, kirj-kīd i farisej, licmieri, tɵn·det što kātvette ɵᵢlm carvut olmɵᵢt; tɵn-det što īǯ jēpped čañded i tāttɵjit mɵnnɵᵢẟ jēpped lušteᵢl.
14. Kɵvr tijjit, kirj-kīd i farisej, licmᵢer, mɵjt porvette lesk pɵrtɵᵢt i licmᵢer-nalla kuᵢhk’ ajjesteppe: tɵn-det vaᵢltvette tɵn jēnap sudmuž.
15. Kɵvr tijjit, kirj-kīd i farisej, licmier, mɵjt pir mɵnvette mier i košk mand moacɵtem bajas χoᵢt ɵvt; i koᵢt tāt šɵntal, tujjevette sū ād ɵᵢlgin, koχt vieᵢrt keaχnabɵᵢn tijjit.
16. Kɵvr tijjit, šokkes lajtij, kok sarnavette: lečči kī boždat cerkven, tɵt ellea ni mī; a lečči kī boždat cerkov koᵢllin, tɵt vier lī.
17. Miltɵmes i šokkes! Mi lī jēnap, koᵢl ili cerkov, mī pɵᵢzeat koᵢl?
18. Nuᵢt-že: lečči kī boždat oltarin, tɵt ellea ni mī; a lečči kī boždat laᵢχimin, kōbɵńč lī sū ɵᵢln, tɵt lī vier.
19. Miltɵmes i šokkes! mī lī šōreap, laᵢχmuš, ili oltar, kōbɵńč čuvvat laᵢχmuš?
20. I nuᵢt boždɵttɵj oltaren, boždat i pukɵᵢn, mī lī sū ɵᵢln;
