—Kon amo ikaw, Padre, nagatuo nga ang pagpanukot ukon pagpaamot...
—Indi na kita maghambal nahanungod sa kwarta! — Tabla sang masakiton nga lumain diutay ang buot. — Nagasiling ka nga ang tenyente nakatug-an kay P. Damaso . . . ?
— Huo, Padre! — sabat ni Fr. Sibyla nga daw kumadlaw. — Apang karon nga aga nakita ko sia kag nagsugid sia sa akon nga naglain ang buot niya sang nahanabo ka gab-i, nga ang alak sumaka sa iya ulo, kag ginbilang niya nga si P. Damaso kaangay lamang sa iya... — Kag ang tug-an? — Pinangkot sia bilang lahog. — Padre Kura, — Sabat niya sa akon, — makahibalo ako magtuman sang akon hinambalan kon indi man lamang makamusing sang akon dungog: indi ako manunogid kag wala pa gid ak6 ma kapanugid, gani nga tungod sina duha lamang ang akon estrelya.
Sang tapos sia makahambal sang iban nga mga butang nga wala’y kasamputanan, si Fr. Sibyla pumaalam!
Ang tenyente wala gid man magkadto sa Malaanyang,6 apang ang Kapitan Heneral nakasayod sang nahanabo.
Nagpakigsugilanon sa iya mga kabulig nahanungod sang mga patupatb nga ginhimb sa iya sang mga pamantalaan sa Manila sa idalum sang mga lipod-ngalan sang mga kometa kag iban pa nga mga bituon sa langit, ang isa sa ila nagsugid sa iya nahanungod sang nahanabo kay P. Damaso nga may mga duagdoag bisan nga daw sa matuod man.
— Kay sin-o ka sina makasayod? —Pamangkot sang iya Taslangdon nga nagkadlaw.
—Kay Laruja nga nanugid karon nga aga sa Sulolatan. Ang Kapitan Heneral kumadlaw liwat kag humambal:
—Ang babae kag ang prayle wala pagtimalos! Nagahunahona ako magpangabuhi sing malinong sa panahon nga nabilin sa akon sa pungsod kag indi na ako maluyag sang mga gam6 sa mga tawo nga nagasaya. Kapin pa, nakasayod man ako nga ang probinsyal' nagayaguta lamang sang akon mga sugb; pinangayb ko bilang silot ang pagsaylo sang amo nga prayle; kag maayo, sinaylo nila sia nga dinala nila sia sa isa ka banwa nga lab? pa kaayo; pinarayle ang aton pagtawag sina sa España!
(6) Malakanyang — Palasyo nga puloy-an sang Nahauna nga Punoan, ang Gobernador kag Kapitan Heneral sang Filipinas. Tinaga ini nga tinagalog. suno kay Alvarez Guerra, nga ang kahulogan “Balay sang Mangingisda.”
(7) Probinsyal — Punoan sang pagtuluohan nga Katoliko nga nagadumala sang tanan nga kombento sa isa ka puod.
