panumdoman sang madamò naton nga kasimanwa sang mga
paglaum kag malaot nga kapalaran sang pungsod! Sa mga dalamguhanon nakita ko ikaw nga nagtindog sa baybayon sang Manila, nga naglantaw sa malayo nga gindut-an, nga nalambungán
sang maalabaab nga silak sang banagbanag; nabatián ko ang mahinay kag masulub-on nga ambahanon nga pumokaw sa akon sang
nagkatulóg nga mga balatyagon, kag pumatoháw sa handumanan
sang akon tagipusùon sadto'ng nahauná nga mga tinuig sang akon
pagkabata, ang aton mga pagkinasadya, ang aton mga paghinampang, ang tanan nga malipayon nga nagliligad nga nagpasadya
sa imo samtang ikaw nagpuyô didto sa banwa. Sa akon ikaw
ang katulad sang isá ka diwata, ang kalág, ang taglawas nga mamalaybayon sang akon pungsod, maanyag, maugdang, mahigugmaon, talunghayag, anák sang Filipinas, sina'ng matahúm nga
pungsod nga nagasimbog sa dalagkò nga mga ugali sang Iloy nga
España sang matahúm nga mga kinaiya sang isa ka lamharon nga
pungsod, subong sang pagsimbog sa bug-os mo nga lawas sang
tanán nga maanyag kag magayón nga nagapuní sa duhá ka kabi
kahan; kag tungód siní ang imo paghigugma kag ang akon nga
ginahuptan sa akon pungsod nangín-isá lamang... Malimtan ko
ayhan ikaw? Makapilá nga daw ginpamatián ko ang tunóg sang
imo pyano kag ang mga lagsak sang imo tingog, kag sa gihapon
sa Alemania, pagtunton sang kahapunanon, kon magdayandayan
akó sa mga talunan, nga ginpuy-an sang aninawnon nga mga tinuga
sang iya mga mamalaybay kag sang makatilingala nga mga sinugidsogid sang nagligad niya nga mga kaliwatan, ginsambit ko ang
imo ngalan, daw nakità ko ikaw sa dampog nga nagtuok gikan
sa kalupyakán, daw nabatián ko ang imo tingog sa mga hinuringhoring sang mga dahon... kag, kon ang mga umanhon, sa ila
pagpaulì gikan sa mga hilikutón, magpabatî gikan sa malayo sang
ila lapnag nga mga ambahanon, ginbatyag ko nga yana nagsimbog
sa akon kaugalingon nga mga tingog, nga nag-ambahan sa imo
kag naghatag kamatuoran sa akon mga handurawan kag mga damguhanon. Kon kis-a matalang akó sa mga banas sa kabukiran,
kag ang gab-i nga didto nagtunton sing inanáy, makulap sa akon
nga ako nagdalangdalang pa, nga nagpangitâ sang akon alagyan
sa tungâ sang mga pino, mga haya kag mga encina: hanti kon
(4) Mga "Pino"; Mga "Haya" kag mga "Encina" - Mga kahoy nga dalagko kag mataas nga makita sa kabukiran sang mga pungsod nga dumoluong.
