tikal sang mga pungsod sa Europa: makaluloyag kag matam-is
nga daw dugós sa mga tumandok, apang ginkaham-után kag
gintamay sang mga dumuluong.
Siá, sanglit utod ni Cáin,3 maimon kag tungód sinâ pinangkot niya ang iya kahagugma:
—Ginpanumdom mo man balá ako sa gihapon? Walâ mo akó malimti sa imo mga pagbyahe? Makapilà na ikaw magbyahe! Madamò ang dalagkò nga mga siudad nga may madamò nga babáe nga matahum...!
Siá man, nga isá ka utod ni Cain, makahibaló maglikáw sa mga pamangkot kag nagbutíg diutay, gani nga:
— Malimtan ko balá ikaw? — Sabát siní nga nabatobalani
sang maitúm niya nga mga kalimutáw. —Malimtan ko balá ang
isá ka sinumpaán, isá ka sinumpàán nga balaan? Nadumdomán
mo yadto'ng gab-i, yadto'ng gab-i nga mabagyuhon nga ikaw, sang
makità nimo ako nga isáisa lamang nga naghibî sa luyó sang bangkay sang akon ilóy, pumalapit ka sa akon, hinamboy nimo ang imo
kamót sa akon abaga, ang imo kamót nga sa madugay na walâ
nimo sa akon pagpakapti, kag nagsilíng ka: 'Nawalaan ka sang
imo ilóy, akó walâ gid ako'y akon!... kag bumuylog ka sa akon
sa paghibî. Naluyagan mo siá kag naluyagan man niya ikaw katulad sang isá niya ka anák nga babae. Nag-ulán sa lwás kag
nagpangilát, apang daw ginpamatián ko ang lanton, nakità ko nga
nagyuhóm ang maluspi nga nawóng sang bangkay...O! Kon buhî
lamang ang akon mga ginikanan kag makità nila ikaw! Hantì
inuyatan ko ang imo kamót kag ang iya man sang akon ilóy, nag.
sumpà akó nga higugmaón ko ikaw, nga lipayon ko ikaw, maskin
anó nga kapalaran nga ihatag sa akon sang langit, kag sanglit iní
nga panumpà walâ gid makahatag sa akon sing kabilinggan, karón
ginasulit ko sa imo. Malimtan ko ayhan ikaw Ang imo handumanan nagbuylog sa akon gihapon, nakalwás sa akon sa mga
katalagman sa alagyan, amó ang akon kalipay sa kamingaw sang
akon kalág sa mga pungsod sa lwás; ang imo handumanan nakapahaganhagan sang dalit sang kalimot sa Europa nga nagpanas sa
__________________________
(3) Sia, sanglit utod ni Cain .. Sia man, nga isá ka utod ni Cain —Si Cain suno, sa "Génesis," Bahin IV, nahisa sa iya utod nga si Abel tungod nga ang mga halad sini binaton sang Makaako apang ang sa iya ginsikway. Tungód sini pinatay ni Cain ang iya utod nga si Abel. Sang pangkutón sang Ginuo si Cain kon diin ang iya utod, nagsabát siá nga wala sia makahibaló kay kuno wala siá pag-atipán sang iya utod. Tungód sini Siá (Maria Clara), nga maimon, utod ni Cain sa balatyagon, kag Siá (Ibarra), nga naglików sa pagsabát sa mga pamangkot kag nagbutig sing diutay, utod man ni Cain sa bagay sang iya paggawí.
