ANG TUGHAPÓN SANG PANGHINGÁPOS543
wa, nagkadto siá sa Malabon ukón sa San Diego, kay maluyag
siá magpuyô nga siá lamang tubtob kon san-o. Nagpaduyog siá
sa paghampang sang liampó,2 kag sa pagbulang sing mahugod
kag ginsugdan niya ang pagtabakô sing apyan. Wala na siá pagkadto sa Antipolo, bisán magsugò sa pagpamisa; si Donya Patrocinio, ang iya tigulang nga kasumpong, nagpasundayag sang
iya kadalag-an, nga naghinuragok sa pagtulog sa mga tinión
sang pagwali. Kon kaisá, sa pagtakóp sang kahapunanon, makadayán ka sa nahauná nga dalan sang Santo Cristo, makità
nimo, nga nagapungkò sa balaligyàan sang isá ka insik, ang isá
ka diutay nga tawo, madalág, maniwang, nagakùkò, nga ang
iya mga matá madalum kag daw nagadamguhanon, ang iya mga
bibig kag mga kukó mahigkò, nga nagatulok sa tawo nga daw
walâ niya makità. Sa pag-abót sang gab-i makità mo siá nga nagatindog sing inanáy, kag, nagapanungkod sang baston, makadto sa isá ka makitid nga likòan, masulód sa isá ka magim-ang nga
baláy, nga sa ibabaw sang iya ganhàan mabasa ang dalagkò nga
mga tigbató nga pulá: FUMADERO PÚBLICO DE ANFION.3
Iní siá amó yadto si Kapitán Tiago nga tuman kabantog, nga sa
karón bug-os nga nalimtan, patí pa sang sakristan mayor.
Si Da. Victorina nagdugang sa iya di-tunay nga mga kulóng kag sa iya inandalús nga panghambal, kon pahanugotan kitá sa paggamit sang amó nga tinagâ, sing bag-o nga pamatasan sa pagpangotsera sa mga kabayo sa karwahe, nga nagpilit kay D. Tiburco sa paghipos. Sanglit sa pagpalangdulóm sang iya panulok nahanabò ang madamò nga kalainan, siá nagagamit karón sing mga tagusilang nga quevedo, nga nagahatag sa iya sing dagway sang isá ka bantog. Ang doktor walâ na ginapatawag sa pagbulóng bisán kay sin-o; nakità siá sang mga sulogùón sa madamò nga inadlaw sang semana nga walâ sing postisong' mga ngipon, nga iní, sa nasayran na sang aton mga bumalasá, isá ka malain gid nga tiliman-an.
Si Linares, ang tag-apin lamang sini nga wala'y palad, madugay na nga nagpahuwáy sa Paco, nga nagbalatián sa balaód kag
sa malain nga mga pagbilang sa iya sang iya prima.
_________
(2) Liampo — Isa ka sari sang sugál sang mga insik .
(3) Fumadero público de antión — Talabakoan sa banwa sang apyan.
