NAGAKABUHI PA ANG MADAMO sang aton tinawo kag nadulà sa aton panan-awan ang ibán, indi mahimò ang isá ka tutùo nga panghingapos. Sa kaayuhan sang tanán, patyon naton kuntani ang tauán naton nga tinawo masugod kay P. Salvi kag matapos kay Donya Victorina, apang indì mahimò... dapat silá nga mabuhi! Ang pungsod kag indì kitá ang magsagód sa ila sa katapusan...
Kutob nga si María Clara nakasulód sa kombento, si P. Dámaso bumiyà sa banwa sa pagpuyô sa Manila, subong kay P. Salví, nga, samtang naghulát siá sing isá ka mitra nga saráng mahatag sa iya, nagwali siá sing makapilá sa simbahan sang Sta. Clara, nga sa iya kombento nga-uyat sia sing isá ka katungdanan nga malahalon. Walâ magligad ang malawig nga binulan kag nakabaton si P. Dámaso sing sugô gikan sa M.R.P. Provincial nga siá mangín-kura sa isá ka malayo kaayo nga puód. Ginsugid nga tuman gid ang iya pagpangalisod sini nga sang madasón nga adlaw nasapwan siá nga patay na sa iya hulót. Ang ibán nagsilíng nga napatay siá gikan sa apopleliya,1 ang ibán nagsilíng nga gikan man sa tuman nga pagpangalisód, apang ang manogbulong nagpaiway sang tanan nga pangduhadoha nga nagsilíng nga napatáy siá sing hinali.
Walâ sing isá sang aton mga bumalasá nga makakilala karón kay Kapitán Tiago kon makakita sa iya. Sinemana sang
wala pa makabaton si María Clara sang pagka-mongha nahulog siá sa isá ka kahimtangan sang pagbakhò nga amó ang
nagpaniwang kag nagpakaghà sa iya, nga nagpadalum sang iya
panumdoman kag nagdulà sang iya pagsalig, subong sang iya
anáy abyan, ang kailó nga si Kapitán Tinong. Sa gilayón nga
ang mga ganhàan sang kombento nagtakóp, nagsugò siá sa iya
wala'y kalipay nga prima, nga si tiyà Isabel, sa pagtipon sang
tanán nga nahanungód sa iya anák kag sa iya napatay nga asa-
____________
(1) Apoplehiya — Balatían sa pa numdoman nahanungód sa hinali nga pagpaubós sang palangakoán.
