NANAYSAYON SI PADRE DÁMASO541
itungon mo, ibutáng nimo ang amon mga bangkay sa ibábaw, tabunan mo... kag dabukan, damùon gid ang kalayo tubtob nga ang amon mga bangkay mahimò nga abú...
Si Basilio namatì.
—Sa ulihe,... kon walâ sing isá nga magkarí... magkutkot ka diri... makakità ka sing madamò nga bulawan... kag inâ tanán mangín-imo. Magtùón ka!
Ang tingog sang walâ makilal-i nga tawo nag-amát sing kadulà. — Lakát ka kag magkuhà sing mga kahoy . . . luyag ko ikaw nga buligan.
Si Basilio naglakát. Ang walâ makilal-i nga tawo nagpaatubang sang iya nawóng sa Sidlangán kag nagkibot siá nga daw nagpangadî:
—Mapatáy akó nga indi ko makità ang pagnasnas sang kasanag sa akon pungsod kamó, nga makakità sinâ, yaubán ninyo.. indi kamó magkalimot sadto'ng mga nagkalapukan sa mangitngit nga kagab-ihon!
Binatak niya ang iya mga matá sa langit, ang iya mga bibíg nagkurog nga daw nagkibot sang isá ka pangamuyò, sang ulihe dinukô niya ang iya ulo kag inanáy nga lumup-og siá sa dutà...
Duhá ka taknà sang ulihe, si utod Rufa yarà sa pantaw sang iya baláy nga naghimò sang iya inogbendita nga tubig sa aga sa pagkadto sa misa. Ang matinùohon nga babáe naglantaw sa malapít nga talunan kag nakità niya ang nagsakà nga madamol nga asó; nagsampok ang iya mga kilay, kag punô sing balaan nga kaakig, naghambal:
—Sin-o ayhan ang erehes nga sa adlaw sang pandot naga- pangaingín? Tungód sinâ nagaabót ang madamò nga kalau- tan! Tilawán mo magkadto sa purgatoryo kag makita mo kon kuhaon ko ikaw gikan didto, salbahe!
