540NOLI ME TÁNGERE
ginpadala sang langit sa dutà; sinâ nga gab-i nga ang tanán
nga panimaláy nga kristuhanon nagakinaon, nagaininum, nagasinàot, nagainambahan, nagakinadlaw, nagahinampang, nagahiligugmaanay, nagahinalukanay... sinâ nga gab-i, nga sa matugnaw nga mga pungsod makatalanhagà sa kabataan nga may kinabatasan nga kahoy sang pino, nga napun-an sing mga sugâ,
mga munyeka, mga kompite kag mga oropel, nga ginatulok
sing may katingala sang matimbulog nga mga matá diín ginasiláng ang pagkabatà, inâ nga gab-i walâ sing nahatag kay
Basilio kundi ang kapalaran sang pagkailo. Sin-o ang nakasayod? Ayhan sa balay sang masulub-on nga P. Salví nagahinampang man ang kabataan, ayhan nagainamba:
Ang tughapón sang Paskwa maabót
Ang tughapón sang Paskwa malabay...
Ang bata naghibî kag nagnguyngoy sing tuman kag sang batakon niya ang iya ulo, nakità niya ang isa ka tawo sa iya atubangan, nga nagtamód sa iya sing mahipos. Ang walâ makilal-i namangkot sa iya sa mahinay nga tingog:
—Ikaw ang iya anák?
Ang bata naghangdò.
—Anó ang ginahunâhonà mo nga himuon?
—Ilubóng siá.
—Sa patyo?
—Walâ akó sing kwarta, labot pa indì sinâ magpahanu- got ang kura.
—Hantì...?
—Kon luyag mo ako buligan...
—Maluya ako kaayo, — Sabát sang walâ makilal-i nga amát- amát lumup-og, nga nanukod sang duhá niya ka kamót sa dutá; napilasan akó . . . pilá na ka adlaw nga wala ako makakàon kag walâ man makatulog... Walâ sing may nagkarí dirí karón nga gab-i?
Ang tawo naunay nga nagpanumdom nga iya gintulok ang nawóng sang bata.
—Pamatii! — Padayon niya sa tingog nga labí ka hinay. — Mapatáy man ako sa indì pa makabutlak ang adlaw... Sa duhá ka puló ka tikáng kutob dirì, sa pihák nga higád sang sapâ, may madamò nga kahoy nga nagatumpok; dal-a dirí, itung-
