SI MARÍA CLARA NAGPAKASÁL507
—Karóng, hingapos niya,anú ang atong buhatong: ang makapazilong za maayu nga hangong may maayu nga kahuy.2
—Ba... ba... baliskad, asawa ko! —badlong sang doktor. Kutob sang pilá ka adlaw nagpakunókuno siá nga daw isá ka ándalus nga walâ niya pagmitlangá ang d kag ginhimò niya nga z ang s, kag iní nga kaisipán walâ sing nakakakás sa iya ulo; nahauna walâ niya pagkuhàa ang indì tunay nga kulóng nga buhók sa iya ulo.
—Huu! ― sugpon niya nga naghambal nahanungód kay Ibarгa. —enna baggay git zaiya; nahambal ku na ind za iya za una ko nga pagkakita za iya: ene eza ka filibustero. Anú ang ziling zaimo, primo, zang Heneral? Anú ang mahimò niya zaimo, anú nga valita ang ginzugi niya zaimo nahanungó kay Ibarra?
Kag sang makità niya nga ang iya primo madugay magsabát, pinadayon niya ang paghambal nga pinatuhoy niya kay Kapitán Tiago.
—Pateha akú, kung zilotan ziya zing kamatayong, nga amu ang mafaavot, enna tungó za akong fremo.
—Senyora! Senyora! — Pamatok ni Linares.
Apang wala niya siá paghatagi sing panahon.
—Aw anú ka iflomáteko zaimo. Kahevalo kame nga ekhaw ang taglaygay sa Heneral, nga enne ziya mavuhe kung wala kha. Ah! Clarita, aw anu kha malifayong magtang-aw zaimo!
Si María Clara naggwâ nga maluspi pa gihapon, wala'y sapayán nga naumpawán na siá sing maayo sa iya masakit. Ang iya. malabà nga buhok napungós sang isá ka laso nga suklang' asul. Mahadlukon nga naghatag sing katahurán, nagyuhóm nga masubô, kag nagpalapít siá kay Donya Victorina sa paghalók sa iya sa kinabatasan.
Sang tapos mamitlang ang mga tinagâ nga kinaandan, nagpadayon sa paghambal ang nagpaka-andalusa:
... —Nagkhare kame za pag-duaw za enyo: nalwaz nenyo ang enyo kaugalingong zalamat za atong mga kaangtanang, — nga nagtulok nga may kahulogán kay Linares.
—Diwa ang nag-apin sa akon amáy! — Sabát sang pamatanon nga dalaga sing mahinay.
___________
(2) Ang makapazilong za maayu — Ang matadlong: Quien á buen arbol se arrima, buena sombra le cobija. Kon sayuron, ang makapasilong sa maayo nga kahoy, may maayo nga handong. Ang hambal ni Donya Victorina baliskad.
