506NOLI ME TÁNGERE
gatùo sa milagro, kag ang isá sa pangulohán bisán nga ini'ng
naulihé indì salapakon. Ang mga nagtulùo sa milagro napihak man; ang sakristan mayor sang Binondo, ang babaeng
manogbaligyà sang mga kandilà kag ang tagpangulo sang
isá ka Kopradya nakakità sang kamót sang Diwa, nga ginhulag sang Birhen sang Rosario; ang insik nga manogkandila, ang
iya taghatag kon magkadto siá sa Antipolo, naghambal nga nagpanguyáb kag nag-uyóg-uyóg sang iya batíis.
—Inni ikaw lapat ngongngong; Milihen iná sa Annipulo! Siya pweli sa tanána; inni ikaw ngongngong. (Indi ka magpatulotunto: Birhen inâ sang Antipolo! Mahimò niya ang tanán; indi ka magpatulotunto).
Si Kapitan Tiago may dakû gid nga kahamuot sa insik, nga nagpakamanalagnà, manogbulong, kag ibán pa. Gintan-aw niya ang mga badlit sang palad sang iya asawa, sa iya ikan-um ka bulan nga pagmabdos, gintagnà niya nga:
—Kong inná inni lalaki kag inni paktaylo, pweli ayuayo mamare! (Kon inâ indì lalaki kag indì mapatáy, mangin maayuayo nga babác!)
Kag si María Clara nabun-ag sa kalibutan sa pagtuman sang panagnà sang di-matinùohon.
Hanti si Kapitán Tiago, tawo nga mahalungon kag mahadlukon, indi makapamat-od sing tuman kahapós katulad kay troyano Paris;1 indì siá makahatag sang iya pagpasulabi sa isá sang mga Birhen sa kahadlok nga maglain ang buót sang isá nga saráng makadalá sa ulihe sang malain nga mga hitabô. Mag-andam! — Siling niya sa iya kaugalingon. — Indì naton paghalitan inâ karón.
Sa sini nga mga pagpangduhadoha siá sang ang hubón sang pangulohán umabót: sanday donya Victorina, don Tiburcio kag Linares.
Si donya Victorina ang naghambal sa ngalan sang tatlo ka
lalaki kag sa iya man kaugalingon, ginsambit niya ang mga pagdùaw ni Linares sa Kapitán Heneral, kag ginhinambitán niya sing
makapila ang pagtigayon sang isá ka himatâ nga may matàas
nga nahamtangan.
___________
(1) Troyano Paris — Ang bantog nga Paghukom, nga namat-od sa paghatag sang mansanas sang kagamó sa kay Venus sa baylo nga ihatag kay Juno ukon kay Minerva.
