494NOLI ME TÁNGERE
Sa manggaranon kag masangkad nga kadak-an sang iya balay sa Tondo, yarà si kapitán Tinong nga nagpungkò sa isá ka masangkad nga silyon, nga iya ginhapuhap ang iya agtang kag tangkugò bilang timàan sang ginbatyag niya nga kasubô, samtang ang iya asawa, nga si kapitana Tinchang, naghibi kag ginlaygayán niya sa atubangan sang iya duhá ka anák nga babác, nga mahipos nagpamati sa isá ka higád, nga kinugmat kag natandog.
—Ay, Birhen sang Antipolo! — Singgit sang babae. — Ay, Birhen sang Rosario kag sang Kordon! Ay! Ay! Nuestra Senyora sang Novaliches!
—Nanáy! ... — Sabát sang labing manghod sa iya mga anák.
—Nahambal ko na inâ sa imo! — Padayon sang babáe nga nagpamasulbasol. — Nahambal ko na inâ sa imo! Ay, Virgen del Carmen,6 Ay!
—Apang wala ka sing nahambal sa akon! — Nangahás sa pagsabát si kapitán Tinong nga naghibî. Sa baylo, nagsilíng ka sa akon nga maayo nga masunson siá nagduaw sa balay kag tipigan ang pagpakig-abyan ni kapitán Tiago kay... kay siá manggaranon... kag nagsilíng ka sa akon...
—Anó? Ano ang siling ko sa imo? Walâ akó makahambal sinâ sa imo, walâ akó sing ginhambal sa imo! Ay, kon namatì ka lang sa akón!
—Karón ako ang imo ginasumalà! — Sabát niya sa tingog nga may kasakit, nga iya hinampak sang iya kamót ang halambuyan sang silyon. — Wala ka balá maghambal sa akon nga maayo ang akón ginhimò sa pag-agda sa iya nga magkàon sa aton, kay sanglit siá manggaranon... nagsilíng ka nga indì kitá dapat magpakig-abyan sa mga tawo lwás sa mga manggaranon? Abá?
—Matuod nga nakahambal akó sinâ sa imo kay... kay
wala na sing ibán nga mahimò: ikaw walâ sing nahimò kundi
ang magdayaw lamang sa iya: Don Ibarra dirí, Don Ibarra didto,
____________
(6) Virgen del Carmen — Isa ka Birhan nga dinala diri gikan sa México, nga ginatuohan sa simbahan San Sebastian.
