Mabalik ang itúm nga mga salimbabatáng...(1)
— BECKER.
SANGLIT NAPAHIBALÓ na ni Lucas, si Ibarra nag-abót
sang dumasón nga adlaw. Ang nahauná niya nga pagduaw ginpatuhoy sa panimaláy ni Kapitán Tiago sa tuyò nga magtan-aw kay
María Clara kag sa pagsugid nga ang Arsobispo nakapahanugot na
sa iya pagbalik sa pagtulùohan: may dalá siá nga isá ka sulát nga
igahatag sa kura, nga sinulát gid sang kamót sang Arsobispo. Indi
diutay ang kalipay sinâ ni tiyà Isabel, nga naluyag sa amó nga pamatan-on kag indi makauyon nga ipakasál ang iya hinablos kay
Linares. Si Kapitán Tiago walâ sa balay.
—Sulód ka, — Silíng sang tiyá sa katungâ nga kinatsilà. — María, si Don Crisóstomo yari na man sa kalùoy sang Diwa: deskomulgado na siá sang Arsobispo.
Apang ang pamatan-on indì makasulód, ang yuhóm nagkigás
sa iya mga bibíg kag ang mga tinagâ nagpalagyo sa iya panumdoman. Malapit sa balkon, nagtindog, sa luyó ni María Clara yarâ
si Linares, nga nagsalapid sang mga bulak kag sang mga dahon
sang mga balagon; sa salóg naglinapta ang nagkataktak nga mga
rosas kag mga sampaga. Si María Clara, nga nagsandig sa iya
silyon, maluspì, nagpadalum sang panumdoman, masubô ang pa-
_____________
(1) Mabalik ang itúm nga mga salimbabatang... Nahauná ini nga dalán sang kinilala nga binalaybay ni Becker, nga ang bahin lamang isambit naton sa masunod:
