- 323
nordahan(4) sa tunga sang iya mga tudlb nga napun-an sing mga
singsing kag nagsuot sing panapot nga sukla nga napunihan sing
mga manipis nga bulawan. Mga suga kag kamangyan naglibot
sa iya; makita ang iya mga luha nga kristal diin nagkilan ang
mga suga nga bengala, ang naghatag sa prosesyon sing talan-awon
nga makatilingala, gani nga ang santa nga makasasala naghibi
sing bulawan nga lunhaw, nga mapula, bulawan nga asul
kag iban pa. Ang mga pamalay wala pagsugod sa pagsindi sini
nga mga sulo kundi sa paglabay ni San Francisco; si San Juan
Bautista wala makaagum sini nga mga kadungganan kag naglabay nga madali nga nahuya nga naglakat nga sia lamang ang nagpanapot sing mga panit sa tunga sang amo kadamb nga mga
tinawo nga napun-an sing bulawan kag mga bato nga malahalon.
—Yara nagalabay ang aton santa! — siling sang anak sang gobernadorsilyo sa ila mga dumulbaw. — Pinahulam ko sa iya ang akon mga singsing, apang sa tuyb lamang nga ako makapalangit.
Ang mga nagdalala sing mga kandila nagdululog palibot sa entablado sa pagpamati sang luwa; amo man ang ginhimo sang mga santos: sila ukon ang ila mga manogdala maluyag magpamati sang mga binalaybay. Ang mga nagpalas-an kay San Juan, nga tinak-an sang hulat, nagkalatinkatin kag nagkaisahay nga ibutang nila ang santos sa duta.
—Basi maakig ang algwasil, — pamatok sang isa.
—A! sa sakristiya ginabutang lang nila sia sa isa ka higad nga may mga lawa! ...
Kag si San Juan, sang mabutang r.a sa duta, nahimd nga isa sang mga tawo sang banwa.
Sang paggwa sang Santa Magdalena nagsulonod ang mga babae, Iwas lamang nga sa baylo sang magsugod sa kabataan, katulad sangsa mga lalaki, nag-una ang mga tigulang nga gintakpan sang mga dalaga ang prosesyon pati ang karo sang Birhen, nga sa likod sini nagsunod ang kura sa idalum sang iya langitlangit. Ini nga batasan kinuha nila kay P. Damaso nga nagsiling: “Ang Birhen naluyagan sang mga pamatan-on kag indi sang mga tigulang,”
(4) Panwelo nga pinya nga binordahan — Ang pinya isa ka sari sang panapot nga ginapakamahal kag ginapakasahi sang mga pilipinhon. Sa kadamoan ginapatubas ini sa mga puod sa Kabisay-an, labi na gid sa pu6d sang Iloilo.
