330
sang mga karosa nga kahoy kag ginlipnan sia sang pila ka kabataan, nga nagdala sang ila mga parol nga papel nga wala masin
dihi, nga nagsinumbaganay sing tagii ang isa kag isa sa ila.
—Wala sing palad! — kibot ni pilosopo Tasio nga nagtambong sa proscsyon sa higad sang dalan. — Wala sing pulos sa imo ang mangin-manunonda sang Maayo nga Palaabuton, bisan si Jesus magduko sa imo atubangan! Wala sing pulos sa imo ang imo dakfl nga pagtuo bisan ang imo pag-antos, bisan ang pagpakamatay sa kamatuoran kag sa imo nga pagtuo: tanan ini ginalimot sang katawohan, samtang wala sila sing ginaisip kundi ang ila lamang kaugalingon nga mga ikaayo! Maayo pa nga magwali sing malain sa mga simbahan sangsa magpamulongpulong nga manglakaak lamang sa desyerto, ini ang ginatudlb sa imo sang Filipinas. Kon ak6 nakakaon sing pabo sa baylo sang mga apan, nakapanapot sing sukla sa baylo sang mga panit, kon ikaw nakapasakop sa isa sang amon mga kumboyahan. ..
Apang dinulogan sang tigulang ang iya pagkilibuton kay nagahinampot si San Francisco.
—Wala ko bala ina pag-ihambal? — Padayon niya nga nagyuhom nga may pagtamay. — Ini nagalakat sa karo kag Santo Dyos, ano nga karo! Pila ka suga kag pila ka parol nga kristal! Wala ko pa ikaw makita nga nalibutan sing madamb nga suga, Giovanni Bernardone!3 Kag ano nga musika! Ang iban nga mga ambahanon wala na pagpamatii sang imo mga anak sang tapos ka mapatay! Apang, talahuron kag mapainubuson nga tagtukod. kon mabanhaw ka karon, wala ka sing makita kundi ang nagpakok nga mga Elias de Cortona, kag kon kilalahon ka sang imo mga anak, kulungon ka nila kag ayhan magabatas ka sang kapalaran ni Cesarto de Speyer.
Sa likod sang banda sang musika nagsunod ang isa ka estandarte nga nagpakilala sang amo man nga santos apang may pito ka pakpak, nga gindala sang mga Pangatlo nga Utod nga nagpalanapot sing abito nga ginggon kag nagpalangadi sa mabaskog kag masulub-on nga tingog. — Wala masayri ang kabangdanan, nagsunod si Santa Maria Magdalena, magayon kaayo nga larawan nga may madabong nga buhok, may panwelo nga pinya nga bi
(3) Giovanni Bernardone — Ngalan sang klero ukon pari nga si Francisco de Asis, nga tagtukod sang Katilingban sa Pagtuluohan nga pransiskanhon. Sanday Elias de Cortona kag Cesareo de Speyer dumaan nga mga pralye nga mga katapo man sang Katilingban nga kadungandongan sang Tagtukod.
