332
nga nagpaaslum sang mga nawong sang madamb nga tumoluo
nga tigulang apang wala pagliwat sang luyag sang Birhen.
Ginsunod ni San Diego si Magdalena, bisan nga daw wala sia malipay sina, sanglit padayon nga nagpangasubo sia subong kaina sing aga sang magsunod sia sa likod ni San Francisco. Ginguyod ang iya karo sang anum ka Pangatlong’ Utod nga babae nga wala masayri kon nahanungod bala sa panug-an ukon pagmasakit: ang kamatuoran nga ila ginguyod, kag may kaluyag. Si San Diego dumulog sa atubangan sang entablado kag naghulat nga yauban sia.
Apang hulata ang karo sang Birhen nga nasundan sang mga tawo nga nagpalanapot nga daw mga baboy, nga nagpahadlok sa kabatlian, tungod sina mabatian ang hibi kag syagit sang mga bata nga magagmay nga wala sing buot. Apang, sa tunga sang amo nga guban sang may maitum nga mga abito, mga tabon sa ulo, mga kordon kag mga belo, sa ginahod sadto nga pinangadi nga makatalaka kag pinunga, makita katulad sang put! nga mga hasmin, subong sang lab-as nga mga sampaga sa tunga sang daan nga mga trapo, ang napulb kag duha ka bata nga babae nga nagbalayb sing puti, napurongan sing mga bulak, ang ila mga buhok pinakulong, masili ang ila mga panulok subong sang ila mga kolintas; subong sila sang mga diwata sang kasanag nga mga binilanggb sang mga baboy. Naglakat sila nga naghawid sa duha ka malapad nga sintas nga asul nga naangot sa karo sang Birhen, nga nagpahanumdom sang mga pispis nga nagguyod sang karosa sa tigtalanum.
Karon ang tanan nga larawan nagpalamati, nagdinis-uganay sa pagpamati sang mga binalaybay; ang tanan nagtululok sa nabuksan nga kumbong; sa katapusan ang isa ka aaah! sa pagdayaw kumawas sa tanan nga bibig.
Kag angay sia nga dayawon: isa sia ka bata nga may mga pakpak, mga botas nga inogsakay, may banda, paha kag kalti nga may mga plumahe.
—Ang Gg. Alkalde Mayor! — Singgit sang isa, apang ang tagluwa nagsugod na sa pagluwa sang isa ka binalaybay subong sa iya kag wala magbatyag sing malain nga buot tungod sa pagpaanggid sa iya.
Ngaa man nga lubardn diri ang ginahambal sa linatin, tinagalog kag kinatsila, tanan sa binalaybay, sang kailo nga biktima
