315
guama nga maayo pa, apang ako, madula ko ang kalim-an ka libo
ka pesos! Ay, Birhen sang Antipolo, kon karon sa gab-i may
maayo lamang ako nga kapalaran!
Mga linupok, ang dinalagan sang mga karwahe, hinirihiri sang mga kabayo, ang banda sa musika nga naglanton sang Martsa nga hinarianon nagpahibalo sang pag-abot sang lya Taslangdon, ang Gobernador Heneral sang Islas Filipinas. Si Maria Clara dumalagan sa pagpanagc sa iya hulot.. .Kailo man nga pamatan-on! Nagahampang sa iya tagipusuon ang magaspang nga mga kamot nga wala makakilala sang iya matalha nga mga nahot.
Samtang ang balay ginapuno sang mga tawo, kag mabaskog nga mga tikang, mga tingog nga nagmandb, ang linagatik sang mga sable kag sang mga tikod sang mga sapatos nagtunog sa tanan nga higad, ang may kasakit nga lin-ay naghapa nga daw nagluhod sa atubangan sang isa ka larawan sang Birhen, nga nalaragway sa amo man nga kahimtangan sang iya pagpangalisod, nga ginbatyag lamang ni Delaroche,1 nga daw nakitH niya sang iya pagbalik halin sa lulobngan sang iya anak. Si Maria Clara wala magpanumdom sang kalisod sadto nga iloy, nagpanumdom sia sang iya kaugalingon. Nagdungok ang iya ulo sa iya dughan kag ang iya mga kamot nagdapat sa salog, kaangay niya ang pu ngang0 sang isa ka asusena nga pinahilok sang bagyo. Isa ka palaabuton nga ginhandum kag gintigay sa sulod sang tinuig, nga ang iya mga aninaw, gintuga kutob sang bata pa sia kag naglambb sang sia pamatan-on na, naghatag dagway sa mga nahutnahot sang iya kalawasan, buot dul^on ina karon, sa isa lamang ka taga, gikan sa hunahona kag sa tagipusuon! Kaangay lamang sang pagpadulog sang pitik sang isa kag kuh&on sa isa ang iya kasanag!
Si Maria Clara tuman kaayo kag matinuohon nga kristyanos subong man nga mahigugmaon nga anak. Indi lamang nga ginkakugmatan niya ang pagsikway sang simbahan: ang sugb kag ang gintublag nga kalinong sang iya amay nagapilit sa iya karon sang pagbatas sang iya mga paghigugma. Ginbatyag niya ang bug-os nga kusog sadto nga pagpakamahal nga tubtob sining karon
(1) Delaroche (Paglo) — Pintor nga prancses (1797-1856) nga tagsugod sang pagtulon-an nga eclectica nga am6 ang kinaalam sa pagpili sang mga paagi nga labing’ maayo kag sa tingob am6 ang ginagamit niya nga sulondan sang iya mga ginhimo kag ini naglapnag kutob sang mapasundayag niya sa Eksposisyon sang 1831 ang iya mga dinuagan nga maragtasnon.
