MGA HINAMBALHAMBAL309
—Apang ang pagsikway sa aton sa pagkakatapò sang simbahan kag ang pagsilot sang aton mga kalág? — Sabát ni Rufa.—Ano ang mga kadungganan kag ang maayo nga ngalan sa sini ng kinabuhi kon sa isá silutan kitá? Ang tanán milabáy sing madali...apang ang pagsikway sang simbahan...magpakahuya sa isá ka parì ni Jesucristo...inâ walâ sing isá nga makapatawad lwás lamang sang Papa!
—Pagapatawaron sang Diwa ang magapadungóg sang amáy kag ilóyá ang Diwa indi magsikway sa iya! Kag ihambal ko sa inyo; kon inâ nga pamatan-on magkadto sa akon baláy, batunon ko siá kag mahambal akó sa iya; kon akó may isá ka anák nga babác, luyag ko siá nga akon mangin-umagad; ang maayo nga anak nga lalaki mangín-maayo man nga bana kag maayo nga amáy, patiha inâ. utod Rufa!
—Apang walâ akó akon pag-isip sing amó inâ; ihambal ang luyag nimo, kag bisán nga ikáw may katarungan, sa gihapon mapati akó akon sa kura. Sa ibabaw sang tanán, lwasón ko ang akon kalág, anó sa imo, Kapitana Tinay?
—Ay! Anó ang luyag ninyo nga ihambal ko? Ang isá kag isá may katarungan; ang kura may iya man, apang ang Diwa may katarungan man nga iya! Ambot, akó isá lamang ka buángboáng .Ang akon himùon amó ang paghambal sa akon anák nga indi na magtuón! Silíng nila nga ang mga maalam nagakapatay nga ginabitay! María Santísima! Ang akon anák nga maluyag magkadto sa Europa!
—Anó ang ginahunâhonà nimo nga himùon?
—Singganón ko siá nga magpabilin sa akon luyò. Ngaa nga matuón pa? Bwás ukón sa isá man ka bwás, mapatay man kitá. mapatay ang maalam katulad man sang wala'y inalung-ong... Ang butáng, nga magpangabuhi sing malinóng.
Kag ang but-anan nga babae guminhawa kag binatak ang iya mga matá sa langit.
—Hanti akó, — Silíng ni Kpna. María nga maligdong, — kon abi manggaranon akó nga katulad ninyo, pabay-an ko ang akon mga anák nga magpanglugayaw: mga pamatan-on silá kag dapat nga isá ka adlaw silá mangín-tawo...akó akon malip-ot na lang sing kabuhì... magakilitaáy kitá sa isá ka kinabuhi.. ang
