nga mabulag agúd indì inâ makità. Sa sini nga kinabuhi nakabaton na sing silot ang mga amáy sang amó nga mga man-og...
mapatay silá sa bilanggòan, He! He! Kon hambalón naton, wala
silá sing7...
Apang walâ niya pagtapusa ang inoghambal. Si Ibarra nagpalanggit-um, padayon nga naunay sa iya ang iya panulok, sang nabatián niya ang paitin-itin sa iya amáy, tumindog siá kag sa isá ka paglukso, tumopâ ang iya matig-a nga inumol sa ulo sang parì napukan kag humamyang nga naurongán. Punô sing kakibót kag kahadlok, walâ sing isá nga nangahás sa paghilabót.
—Palayô!— Singgit sang pamatan-on sa tingog nga makalilisang, kag dinawhat sang iya kamót ang isá ka matalúm nga kutsilyo samtang gintapakan niya sang iya tiil ang liog sang prayle, nga naumpawan sa iya pagkalisang. — Ang indì maluyag mapatay indi magpalapít!
Si Ibarra walâ sa iya kaugalingon nga isip: ang iya lawas nagpalangurog nga nagtilik ang iya mga matá sa ila mga ilalakób nga makahaladlok. Si Fr. Dámaso, sa iya paghimulat, nakatindog, apang siá, dumakop sa iya sa liog, inuyóg niya tubtob pinaluhód kag pinabalit-ad siá.
—Gg. Ibarra! Gg. Ibarra!—Hambal sang ibán nga nagpalangurog ang ila mga bibig.
Apang wala sing isá bisán ang alpéres na gid, wala magpangahás sa pagpalapit nga gintan-aw nila ang nagkintab nga kutsilyo, nga ginbanta nila ang kusóg kag ang kahimtangan sang panumdoman sang pamatan-on. Ang tanán wala makahulag.
—Kamó dirí! Kamó naghilipos, karón akon na man iní. Ginalikawan ko siá, dinalá siá dirí sang Diwa; maghukóm ang Diwa! Ang pamatan-on naghangos sing tuman, apang sa iya mga butkon nga daw salsalon padayon nga iya ginkugâ ang pransiskano, nga indi sa iya makapadlos.
—Ang akon tagipusuon nagapitík sing matawhay, mapag-on na ang akon kamót... —Kag tinulok ang tanan palibot sa iya, —sadto, may yara balá sa inyo nga isá, isá nga wala maghigugma sa iya amáy, nga nagpakalain sang iya handumanan, isá nga na-
_________________________
(7) Wala silá sing ... —Ang bug-os nga pulolungon amé ini: "Wala silá sing sarang mapukanan kon mapatay" kag nagakahulogán nga silá tuman ka imol nga wala sing dalangpan nga bisán pikás lamang nga duta wala silá sing mabutangán sang ila mga bangkay.
