sang ibán sa amó man nga kombento kag sa monasteryo ni Sta.
Clara,1 nga may ila, lwás sang pasahî nga bugáy sa pagkuhà sing
madamò nga indulhensya sa mga patáy nga sa amó nga mga ábito
ila ginputós, may bugáy pa gid nga pinasahi nga labí nagmahál
ang bili kon kapin nga magdàan, gisión kag indi na mapuslan.
Ginasulát naton iní agúd kon may tumulùo nga bumalasa nga
magkinahanglan sinâ nga mga salín nga balàan, ukón may isá
ka manogtipon sang mga trapo gikan sa Europa nga maluyag
maghimò sing manggad nga magdalá sa Filipinas sing isá ka
kargamento sang mga ábito nga sinursihan kag rubanit, ang tagsa
nagbilí tubtob sa napulo kag anum ka pesos ukón kapin pa sunô
sa iya gisión nga dagway.
Si San Diego sang Alcalá natungtong sa isá ka karo nga napunihán sing mga plantsa nga pilak nga pinakumbè. Ang Santos, nga tuman kaniwang, may kautód nga lawas nga marpil nga may pangguyahon nga maligdong kag harianon wala'y sapayán sang madabong nga buhok nga kulóng nga subong sang ila sang mga ati. Ang iya panapót satín nga binordahán sing bulawan.
Ang aton talahuron nga P. S. Francisco nagsunod sa Birhen subong kahapon, Iwás nga ang pari nga naglakát sa idalum sang langitlangit amó sa karón si P. Salví kag indi ang makaililà nga si P. Sibyla nga may mga gawi nga kinilala. Apang kon ang nahauná nakulangan sing matahúm nga bayhon, nalabihán na man siá sa pagkamatinuohon: gintakóp niya ang iya duhá ka kamót nga may pagkalangitnon, nagtamód ang iya mga matá. kag naglakát nga daw nagdukô. Ang nagdalalá sang langitlangit ukón palyo amó man ang mga pangulo sang baranggay, nga ginbalhas sa kalipay sa pagtan-aw sa ila kaugalingon nga silá mga sulosakristan, mga manunukot sang mga alamután, nga manlulowas sang katawohan nga wala'y puloy-an kag imol, kag sa katapusan mga Kristo nga naghatag sang ila dugo sa mga salâ nga ginhimò sang ibán. Ang koadhutor nga nagpanapót sang linen, naglakát halín sa isa ka karo pakadto sa isá man ka karo nga nagdalá sang
_____________________
(1) Monasteryo ni Santa Clara - Ini nga monasteryo nahamtang malapit sa suba sang Pasig sa Sidlangán nayon sang Fuerza de Santiago. Gintukod sang mga mongha nga sakop sang mga Pransiskano kag ginbuligan sang Harianon nga pangulohán sang España nga gintawag nga "Real Monasterio de Santa Clara" sang tuig 1662. Tubtob karón nagatindog pa iní kag ayhan amó ang labing makatilingala nga binilin sang mga Tungatonga'ng Panuigón sa dumaan nga Manila.
