Diwa sa katawohan, apang sanglit walâ siá sing makuha
nga ibán
nga nakasayod sang kinabuhi kag mga milagro ni S. Diego —
nahibal-an ini sang kura, matuod, kag kinahanglan siá ang maghiwat sang misa
— ang ibán nga mga parì bug-os nga nakasayod
nga ang tingog ni P. Dámaso indi na madugangan kag kanugon
gid nga pabay-an nga indì pag-iwali ang amó katahúm nga wali
nga nasulát na kag iya na natun-an. Tungód sini, ang tagta
tap anay sang baláy naghimos sa iya sing mga limonada, binanyusán ang iya dughan kag liog sang mga ungwento kag mga
lana, pinutós siá sang mainit nga mga panapton, ginmasahìan
kag ibán pa. Si P. Dámaso nag-inúm sing mga itlog nga hiláw
nga binati sa alák, kag sang bug-os nga aga walâ maghambal
bisán magpamahaw; diutay lamang ang gin-inúm niya sang isa
ka baso nga gatas, isá ka tasa nga tsokolate kag isá ka dosina
nga mga biskutso, nga sinikway niya sing pilit ang iya pinirito
nga manók kag ang iya kisong' putî gikan sa Laguna sa tanán
nga aga, kay, sunô sa tagtatap sang baláy, ang manók kag ang
kiso may asín kag mantika kag makapaubó.
— Ini nga tanán sa pagsakà sa langit kag magpatùo sa aton!
— Silíng sang natandog nga mga utod nga Babáe sang V.O.T. sang ila masayran ini nga mga pag-antos.
— Ang Birhen sang Paghidait nagasilot sa iya! — Kumod sang mga Utod nga Babáe sang Smo. Rosario, nga indi makapatawad sa iya tungod sa iya pag-apin sa ila mga kasumpong.
Sang ikawaló kag tungâ ang taknà naggwâ ang prosesyon sa silong sang tolda nga lona. Iní nga paghiwat katulad man sang kahapon, kundi may isá lamang ka butáng nga bag-o; ang mga tumalapò sang V.O.T. nga mga tigulang nga lalaki, babáe kag pilá ka pamatan-on nga babáe nga nagpalanapót sang pagkatigulang nagsuluót sang malagbà nga mga ábito nga ginggon; ang mga imol sa mga panapton nga baratuhón, ang mga manggaranon nagsuluót sing suklà ukón sing ginggon nga pransiskano nga amó ang ila pagtawag, nga ang labí lamang nga naggamit sinâ amó ang mga Prayle nga Pransiskano. Inâ tanán nga balaan nga ábito lunsay tunay, nga naghalín sa kombento sa Manila, diín matigayon inâ sang banwa bilang limós, sa baylo sang kwarta nga pat-od ang bili (prix fixe), kon pahanugotan ang hambal sa isá ka balaligyàan. Ini nga pat-od nga bilí saráng madugangan apang indi mabuhinan. Subong man nga ini nga mga ábito ginbaligyà
