Hiwaton ang mayor nga misa, ang misa nga gintawag nga dalmatiko, katulad sang kahapon nga ginsugid sa aton sang sangkul nga tinugyanan nga manunolat, lamang nga karon ang taghiwat sang misa amo si P. Salvi kag sa mga tawo nga nagakadto sa pagsimba amo ang Alkalde sang puod lakip sang iban nga madamo nga katsila kag lutaw nga mga tawo sa pagpamati kay P. Damaso, nga nag-agum sang daku nga kabantugan sa puod. Subong man ang alperes, nga nalabtikan kag tanan gikan sa mga wali ni P. Salvi. nagtambong sa pagpakilala sang iya maayo nga kabubut-on kag sa pagpaumpaw kon mahimo sa malain nga mga tinion nga ginhatag sa iya sang kura. May amo nga kabantugan si P. Damaso, nga ang tinugyanan nakasulat na nga daan sa manogdumala sang pamantalaan sang masunod:
“Sanglit napasayod ko na sa imo sa akon mga dinalan nga wala masulat sing maayo kahapon, amo gid ang nahanabo. May pinasahi kami nga kapalaran sa pagpamati kay labing’ talahuron nga P. Fr. Damaso Verdolagas, dumaan nga kura sini nga banwa, nga ginsaylo karon sa isa ka daku nga banwa bilang padya sa iya maayo nga mga pag-alagad. Ang kinilala nga balaan nga manogpamulongpulong tumindog sa walihan sang Espiritu Santo, nga nagwali sang isa ka matanlas kag madalum nga wali, nga nakatudlo kag nagpawili sa tanan nga tumuluo sa pagpamati nga naghulolat sa daku nga kaluyag sa pagtan-aw nga magkawas sa iya sampaton nga mga bibig ang masinaw nga busay sang wala’y katapusan nga kabuhi. Langitnon sa iya mga kaisipan, may kaisog sa iya mga panghunahona, binag-o sa iya mga pulong, may kaanyag sa iya panghambal, nagakaigb ang iya mga hagyii, anyoan sa iya pagmitlang, may kabakod sa iya mga kaisipan, amo ini ang duna nga mga kinaadman sang Dassuet nga katsila, nga sa pagkatutiio nag-agum sang iya kabantugan indi lamang sa lutaw nga mga katsila kundi subong man sa harasharas nga mga indyo kag sa maalwan nga mga anak sang Imperyong’ Insik.”
Wala’y sapayan, ang may pagsalig nga tinugyanan diutay lang mapilitan sa pagpanas sang iya na nasulat. Si P. Damaso nanumbunganon nahaungod sang iya diutay nga pung-ot nga iya nakuha sang gab-i nga nagligad: sang tapos sia makaamba sang pila ka masadya nga mga ambahanon nagkaon sia sing tatlo ka baso nga sorbete kag nagtambong pa sing makadali sa talan-awon. Tungod sini buot sia magpamalibad sa iya pagkamangwawali sang
