pagusa sa tanan nga tuig! Kag tanan, tungod sa ano? Ginausikan ang pilak samtang madamo ang kalisod kag kinahanglan!
Karon! Nahangpan ko na, isa ka pagpagusa, isa ka pagkinalipay
agud mapunggan ang mga pagbakhb sang tanan!
Nasayran na nimo nga nagabuylog ako sa imo kaisipan, — sabat ni D. Filipo nga daw maligdong kag daw nagyuhom. Ina akon gin-apinan, apang ano ang mahimb ko batok sa gobernadorsilyo kag sa kura?
—Maghalin ka! — Sabat sa iya sang pilosopo kag naglakat. Si D. Filipo nabilin nga naggumon ang isip, nga sinunod sang iya panulok ang tigulang.
—Maghalin! — Kibot niya nga naglakat pakadto sa simbahan. —Maghalin! Huo! Kon ini nga palangakoan isa ka kadungganan kag indi isa ka palas-anon, huo, mahalin ako!
Ang nakawaan sang simbahan napuno sang mga tawo: mga lalaki kag mga babae, kabataan kag mga tigulang, nga nagsuluot sang ila labing’ matahum nga mga panapton, nagsinamusamo. nagsululdd kag nagginuwa sa masipot nga mga ganhaan. Ginpanimahoan ang pblbora, ang kabulakan, ang kamangyan, ang pahamot; ang mga bomba, mga kohete kag mga ribentador nagpapalagyo kag nagpasyagit sa mga babae, nagpakadlaw sa kabataan. Ang isa ka banda sang musika naglanton sa atubang sang kombento, ang isa nagdul-ong sa konsehong’ hubon sang banwa. ang pila sa ila naglilibot sa mga dalan, diin nagalulotaw kag nagabalalod sa hangin ang madamo nga hayahay. Ang sanag kag nagkalainlain nga mga duag naglingaw sa mga panulok, mga lanton kag mga linupok, sa mga igdulungog. Ang mga lingganay wala pagpahuway sa pagbagting; nagtinabuktabok ang mga karwahe kag mga kalesa, nga ang ila mga kabayo kon kis-a nagkakibot nagsilirbi, nagpangaykay, nga ini, bisan nga wala malakip sa palatuntonan sang pandot, apang mangin-isa ka talan-awon, nga wala sing bayad kag amo ang labing’ makaluloyag.
Ang Hermano Mayor kutob karon nga adlaw nagsugo sa ila mga sulogiion sa pagpangita sa mga dinapit sa mga dalan subong sadto’ng naghatag sing badu nga ginsugid sa aton sang Ebanghilyo. Nangagda, halos sa pakusog, sa pag-inum sing tsokolate, kape, tsa, kag pagkaon sing mga dulsi kag iban pa. Indi makapila lamang nga ang pagpangagda nangin-katulad sang pagpangdakop sang mga sinumbong.
