Si Fr. Salví, batok sa ginpaabót sang nagtalambong, walâ makasabát kay Albino.—Padayon nga tinulok niya nga naglilibot ang gisi nga mga pamihák, nga ang ibán nagtulopâ sa talunan, kag ang ibán sa tubig; sang ulihe lumakát nga naglingkanglingkang nga ang duhá niya ka kamót tinungtong niya sa iya ulo. Dumulóg siá sing pila ka tión nga nagpakigsugilanon kay Ibarra nga nagbuylog sa iya tubtob sa isá sang mga karwahe, nga handà sa pagdalá ukon sa pagdul-ong sang mga pinangdapit.
—Maayo nga naglakat inâ nga mianogpatay-kalipay— Kumod ni Sinang. May nawóng siá nga daw masilíng: Ayaw kamó pagkadlaw kay nahibal-an ko ang inyo mga salâ.
Pagkatapos sang dulot nga nahimò niya sa iya kahagugma, si Ibarra nalipay kaayo nga nagsugod siá sa paghampang nga walâ na magpulopanumdom bisán magpangusisà sing maayo sang kahimtangan sang mga piyón.
Tungód sini nahanabò nga, bisán si kpn. Basilio nagpanagáng na sa iya kaugalingon sing tuman kabudlay, ang hampang nagabot nga nagkaangay salamat sa madamò nga sayóp nga nahimò sang pamatan-on sang ulihe.
—Bawion naton, bawion naton! — Siling ni kpn Basilio nga malipayon.
—Bawion naton! —Sulit sang pamatan-on.— Kon anó lamang ang pamatbat nga sarang mahatag sang mga hukom.
Ang duhá nagkumostahanay sing mainit.
Samtang nga ang mga tumalambong nagkinasadya sa siní nga hitabô nga pumatapos sang isá ka kasabà nga nakahatag na sing tuman nga lisód sa pihák kag pihák, ang hinali nga pag-abót sang apat ka gwardya sibil kag sang isá ka sarhento, nga lunsay may mga ilulothang nga napaskan sing mga bayoneta, tumoblag sang kinalipay kag humatag sing kahangawà sa gubán sang mga babae.
Maghipos ang tanan!— Singgit sang sarhento.— Isá ka luthang sa maghulag!
Wala'y sapayan sini nga masakit nga bugál, tumindog si Ibarra kag pinalapitán siá.
—Anó ang luyag mo?—Pangkot niya.
—Ihatag gilayón sa amon ang isá ka kriminal nga ginatawag kay Fliás, nga amó ang inyo timoníl, kaina sing aga, —sabát niya sa tingog nga may pamahog.
—Isá ka kriminal? Ang timoníl? Dapat nga ikaw nagsayóp! — Sabát ni Ibarra.
