- 167
umusmod pa sia sing isa ka halintang sa ub6s sina nga mga babac sa kahimtangan sang pangabuhi.
Ginpamatian nila ang mga tikang sang mga kabayo: ini sila amo ang nagdala sang mga isda sa nasuok nga mga ban wa. Naglalakat sa tagdiutay nga gubangoban ang mga lalaki kag mga babae, nga nagsalakay sa magagmay nga mga kabayo sa tunga sang duha ka alat nga ginpakabit sa pihak kag pihak nga mga kilid sang sapat. Ang iban sa ila, sa pagligad sa atubangan sang iya payag, mangayb sa iya sing tubig sa paginum kag naghatag sa iya sing pila ka bilog nga isda. Apang karon sang pagligad nila sa iya luyo, binatyag niya nga daw sinakit nila sia kag dinalasa kag ang ila mga panulok, nga may kaluoy ukon may pagyaguta, lumapos sa iya malapad nga panyu kag tinuhog ang iya guya.
Sa katapusan ang mga guban pumahilayo kag si Sisa nakaginhawa. Kinakas niya sing makation ang panyu sa pagtanaw kon malayo pa sila sa banwa. May nabilin pa nga pila ka haligi sang telegrapo tubtob umabot sa bantayan3 ukon ron dahan. Wala pa sia makabatyag sang amo nga kalayuon.
Sa higad sang dalan may nagpamuhi nga isa ka magapa nga kawayan nga sa iya handong nagpahuway sia sadto’ng iban nga mga inadlaw. Didto nagsugilanon sa iya sing matam-is ang iya kahagugma; ginbuligan niya sia sa pagdala sang alat nga punb sing mga bungangkahoy kag mga utanon. Ay! yadto lumigad nga daw dalamguhanon; ang kahagugma nahimb nga bana kag ang bana ginhimb nga pangulo sang baranggay kag sang ulihe ang malaot nga kapalaran sumugod sa pagpanuktok sa iya ganhaan.
Sanglit nagsugod sa pagtagiti ang adlaw, pinangkot sia sang mga soldado kon maluyag sia magpahuway.
—Salamat! — Sabat niya nga hinadlukan.
Apang umabot sa iya ang matuodtuod nga kahadlok sang maghilapit na sila sa banwa. Ginmingaw sia, pinalibot niya ang iya panulok: malapad nga mga kaumhan sa humay, isa ka diutay nga kanal nga palatayunan sing tubig, mga kahoy
(3) Bantayan — Ang tagsa ka banwa ginabutangan sadto sing 7 ukon 8 ka manogbantay nga ang duog nga ila ginabantayan ginatawag nga bantayftn uk6n rondahan. Ini sila ginabutang sa tunga, -sa g an ha an kag sa gwa sang banwa. Nagagamit sila sing dabok kag tultogan, nga ini iia ginapatuok kag ginatultog kon may katalagman sila nga makita nga makahalit sa m^a pumoluyo sang banwa.
