This page has not been proofread.
kalibonan aron pagpamayabas, pagpangitag kapayas ug lumboy,
managdalag mga ulisi ug managbitbit mga bato, ug mahitabo
nga samtang mangalingaw sila pagpamupb sa mga bunga sa
kahoy kun mangalingaw bag tan-aw sa mga bagon nga magaduyan-duyan sa mga sanga, takulahaw lamang mohagbong
ang usa kun duha ka bato nga walay nasayud diin gikan;
dinhi, mabati ang singgit nga /ang tigulang! jang tigulang! ug
ang mga bata magkatibulaag pagpanagan, ipamalibay ang ilang
mga ulisi ug mga bunga sa kahoy, molatas sa kagaangan ug
dill manghunong hangtud nga manghigula sa kalibonan, luspad
ang mga nawong, managhangus, manghilak ang uban ug mangatawa ang pipila ka buok.
-75-
