na gikinahanglan pa sila: mao ang ginatawag ug kadaut nga kinahanglan.
Si Elias, nga nahibulong kaayo, miyahat ug mitan-aw kang Ibarra, daw nalibog.
Nagatuo ka diay, ginoo, nga adunay kadaut nga kinahang- lan? — nangutana nga daw nagakurog ang iyang tingog; —na- gatuo ba diay ikaw nga ang buhat nga maayo kinahanglan ubanan ug buhat nga dautan?
—Wala; mituo ako niana sama sa pagtuo ko sa usa ka tam- bal nga malisud antuson apan atong gawion aron maayo ang usa ka sakit. Nan, ang atong yutang-natawhan maoy usa ka lawas nga nagaantus sa usa ka sakit nga nakalamay na, ug aron pag-ayo nianang sakita ang Kagamhanan napiht paggawi ug mga tambal nga malisud, mabangis usahay, kon buut ka, apan mapuslanon ug kinahanglan.
—Dili maayong mananambal, ginoo, kadtong mao day iyang pangitaon ug tambalan ang mga tilimad-on sa sakit ug dili la- mang magasusi sa ginikanan sa maong sakit, kun mahadlok ba nga motambal bisan kini naila na niya. Ang tuyo sa pagtukod sa Guardia Civil mao da gayud kini: pagsumpo sa mga kalapasan sa balaod pinaagi sa paglisang ug sa kusog, tuyo nga makab- ug ug matuman lamang kon hinabangan sa takulahaw. Ug an- gay dili hikalimtan nga ang katilingban dili makapig-ot pagpatu- man sa iyang mga sugo kon ang iyang mga sakop wala niya hatagi niadtong mga kinahanglanon alang sa kahingpitan sa ilang pamatasan. Dinhi sa ato, sanglit wala may katilingban kay wala man manag-usa ang lungsod ug ang Kagamhanan, kini kina- hanglan magabaton ug kaluoy, dili lamang tungud kay siya nagkinahanglan nga kaloy-an, kon dili usab tungud kay ang iyang sakop, nga iya lamang gipasagdan, dili kaayo kapahamug- atan sa sala kay wala man hayagi ang kangitngit sa iyang sala- butan. Kapin pa, kon tumanon ta ang imong sanglitanan, ang tambal nga idapat sa balatian sa atong lungsod makalaglag ka- niya, kay nianang tambala mao da may mobati ng bahin nga walay sakit sa iyang lawas, ug sa ingon niana ang mga galam- han sa iyang kinabuhi abuton sa kaluya ug lagmit takbuyan sa sakit. i'Dili ba kaha labing maayo nga lig-unon ang bahin nga masakiton sa lawas ug kunhoran ug diyutay ang kangilngig ug kaul-ol sa tambal?
— 413 —
