buotan nga bata sa tulonghaan, sa labing maayong magbalantay
sa mga hayopan, sa labing maayong magbabaul, mananagat, ubp.
Mahimo usab nga magpalumba kita sa mga sakayan sa lanaw
ug sa suba, lumbik sa mga kabayo, pasaka sa usa ka bulos nga
kawayang sinibohan ug sa tumoy may puntil sa salapi nga igaid,
ug uban pang mga dul^ dim managpakaapil ang atong mga
igsuon sa kaumahan. Uyon ako nga magpalit kitag mga kastilyo,
kay kanang batasana nakagamot na man gayud pag-ayo dinhi:
kanang kalayong magtuyoktuyok ug kanang mga kastilyo maanindot ug makalingaw kaayong tan-awon, apan dill ako motuo
nga nagkinahanglan kita nianang mga bomba nga gisugyot sa
teniente mayor. Aron pagsadya sa atong pangilin, duroha ka
banda sa musika igo na kaayo, ug sa ingon niana mapukgb
usab kanang mga bingkilbingkil ug mga away-away sa mga musiko nga lagmit rnahitabo sa mga pangilin, away-away dim ka
nang mga tawhana nga manugok aron pagsadya sa atong mga
pangilin, mahisama na hinoon sa mga manok igbubulang, ug
unya mamauli sa ila walay salaping dala, managkutoy ang tiyan,
mangapiang ug usahay mga samaran. Sa salapi nga mahibilm
unya, makahimo kita pagtukod usa ka diyutayng balay nga himoon tang tulonghaan, kay dili angayan nga kita magapaabut
lamang nga manaug dinhi si Bathala ug siya na maoy magtukod
niana: makasubo kaayong palandungon nga samtang aduna kitay
dakung bulangan dinhi, ang atong mga bata atua managtungha
sa kuwadra sa kura. Mao kana, sa daklit lamang pagkaasoy,
ang buut ko isugyot: kamo na lamay mahibalong maghingpit
nianL
Usa ka yagungyong maiipayon nabati sa lawak nga gitiguman; hapit ang tanan nga nanambong miuyon sa batan-on, gawas sa pipila ka budk tigulang nga nagkanayon:
—Mga kabag-ohan, mga kabag-ohan!Mao gayud kining atong mga batan-on!...
—Uyonan ta lamang una kana karon!—matud pa sa uban;— paduk-on ta ang ulo nianang tawhana.
Ug gitudlo nila ang teniente mayor.
Sa pagkahilum na, ang tanan miuyon ug wala nay usa nga misupak. Mao na lamay kulang ang gimbut-an sa gobernadorcillo.
