Kini gipaningot. ug tinuod, nag-alindasay, mihikap sa iyang
agtang, ug sa katapusan nakatingog nga nagkonokono, wala
motan-aw sa kadaghanan ug miingon:
—Ako usab uyon niana... ugaling kay... ehem!... Ang tanan namati sa dakung kahilum.
—Uyon ako kaayo!—mibalik pagsulti ang gobernadorcillo-. sa ato pa, dili diay ako uyon . . . aw, uyon diay, apan . . .
Ug nanglugod sa iyang mga mata.
—Apan ang Kura—mipadayon ang alaut,—ang Padre Kura ugod buut man ug Iain.
—Ang kura bay mobayad sa pangilin kun kita ba?—mitu haw pagsinggit ang usa ka tingog mainggit.
Ang tanan nanglingi sa dapit diin mogikan kadtong pangutana: didto diay si pilosopo Tasyo.
Ang teniente mayor wala maglihok, nag-utas lamag sud-ong sa gobernadorcillo.
—Nan, unsa may buut sa Kura?—nangutana si Kapitan Basilio.
—Ang Padre Kura buut ug... unom ka prosisyon, tulo ka wali, tulo ka misa nga masadya kaayo... ug kon adunay salapi nga mahibilin, dula sa Tondo nga sal-otan ug mga awit.
—Kami dili buut niana!—matud sa mga batan-on ug pipila ka tigulang.
—Kabubut-on kana sa Padre Kura!—mitubag ang gobernadorcillo.—Gisaaran ko ang Kura nga matuman ang iyang kabubut-on.
—Kon mao kana, dnganong imo pa man kaming gitigum?
—Tungud niana... aron pagpahibalo kaninyo nga mao kanay kabubut-on sa pari.
—Nganong wala mo man kami sultihing daan niana sa sinugdan?
—Ingnon ko man bitaw unta karno, mga ginoo, ugaling kay misulti man ugod si Kapitan Basilio ug wala na ako makabaniis... jKinahanglan tumanon ta ang kabubut-on sa Kura!
—Oo, kinahanglan sugton ta siya!—misabat ang pipila ka tigulang.
—Aw, siguro na, kay, kon dili, ipabilanggo unya kita sa Alkalde—matud sa ubang mga tigulang nangasubo.
