—Mianhi siya ug nangita kaninyo; gigutom siyag maayo.
Miingon siya nga kon kamo magbuotan, mopauli siya dinhi sa
atb.
—jAhl <! dinhi diay siya? —miusab pagpangutana si Basilio
ug unya miyam-id.
—jAyaw pag-ingon niana, Basilio! —mibadlong si Sisa.
—jPasayloa ako, inahan ko! —matud ni Basilio sa dakung
kaligdong; —(Japan dill ba labi untang maayo nga kitang tulo
lamang ang managpuyb dinhi: ikaw, si Crispin ug ako? ...
Apan naghilak ikaw; ayaw lamang tuhoi kadtong akong mga
sulti.
Si Sisa nanghupaw.
—(J Dili ikaw manihapon? —miusab pagpangutana kang Ba
silio. —Na, manghigda na hinoon kita kay halawom na ang gabii.
Gitakpan ni Sisa ang ganghaan sa ilang payag ug gibunbonan niyag abo ang baga sa dapugan aron magapulaw, sama
sa atong pagabuhaton sa mga pagbati sa atong kalag: bunbonan
ta sa mga abo sa kinabuhi nga pagatawgon ug indiferencia1 aron
sila dill mapalong sa pakigsandurot natb matag-adlaw sa atong
mga isigkaingon..
Human mangadye si Basilio, mihigda siya tupad sa iyang
inahan nga nagaluhod ug nangadye usab.
Gibati siyag kainit ug katugnaw; naninguha siya pagpiyong
sa iyang mga mata samtang nagpalandong sa iyang manghod nga
niadtong gabhiona nagadahum nge adto makahigda sa ilang balay, sa sabakan sa ilang inahan, ug karon dagway nagahilak ug
nagpangurog sa kahadlok didto sa usa ka suok sa kombinto.
Daw pagahibatian niya gihapon ang mga singgit ni Crispin didto
sa kampanaryo, apan sa nadugay na, sanglit lapoy uyamut ang
lawas, ang iyang hunahuna nag-anam kapala hangtud nga sa
hinayhinay nahikatulog siya.
Sa paghinanok na niya, gidamgo siya nga iyang nakita ang usa ka lawak nga higdaanan diin adunay duha ka buok nga kandilang dinagkutan. Ang kura nga nagabitbit ug latus nga uway, namati nga nagadiyong sa sakristan mayor nga nagasulti sa usa ka pinulongan nga wala niya hisabti, inubanan sa mga panlihok nga makahahadlok uyamut. Si Crispin nagakurog ug (1) — Dili pagtagad.
