akong agtang hisaghiran sa bala. Nahadlok ako nga dakpon ug
unya palampasohon sa kuwartil sinunod sa bunal, sama sa ilang
gibuhat kang Pablo nga hangtud karon nagmasakiton gihapon.
—jBathala ko! jBathala ko! —nagkanayon ang inahan nga nagakurog. —jSalamat kay giluwas mo ang akong anak! Ug samtang nangitag mga nuog, tubig, suka ug balhibo sa langgam, nagkanayon:
—jKon nairog pag usa ka tudlb ang bala, lapsan unta ang iyang ulo ug namatay unta intawon ang akong anak! jKini bitawng mga sibil dill lamang maghunahuna sa mga inahan!
—Kon duna ngani mangutana, ingna lamang nga nahuldg ako sa usa ka kahoy; nga walay masayud nga ako gilutos sa mga sibil.
—<!Nganong nahibilin man si Crispin? —nangutana si Sisa sa pagkahuman na niyag tambal kang Basilio. Si Basilio mitan-aw una sa iyang inahan, unya migakus ug gisugilon niya ang nahitabo kang Crispin mahitungod niadtong salapi nga nawala, apan wala maghisgot sa mga hampak ug bunal nga nadawat sa iyang manghod. Inahan ug anak nanghilak.
—jSi Crispin intawon, ang anak kong pinalangga, gipasanginlan nga nangawat! jKana tungud lamang kay mga kabiis man, kita ug kitang mga kabus kinahanglan magaantus sa tanan! — matud ni Sisa nga nagahilak ug mitan-aw sa lamparahan nga hapit na katitii sa lana.
Taiidtaud ang ilang pagkahilum.
—dNakapanihapon na ba ikaw? d'Wala pa? Naay kan-on ug bulad nga tamban. —Dili ako mahagugmang mokaon; tubig lamang hinoon ang akong imnon. —jOo! —mitubag ang inahan nga nasubo; —daan bitaw akong nasayud nga ikaw dili mahagugma sa bulad nga tamban, busa gitagan-an ko unta ikaw ug laing sud-an, ugaling kay nahiuli man ugod si tatay mo. jlntawon si Basilio! —dDinhi diay si tatay? —nangutana si Basilio dungan ang pagtan-aw sa nawong ug mga kamot sa iyang inahan. Ang pangutana sa bata nakapasubo kang Sisa nga nakasabut sa hunahuna ni Basilio, busa gidali niya pagtubag:
