Page:Mga Binalaybay V.3.pdf/94

86

Mangin-tunog akong’ gakurog
   kag matinlo sa imo igdulungog:
Kaamyon, kasanag, mga duag,
   kumod, nguyngoy kag ambahanon,
Nga gihapon masulitsolit
   sang kaputli sang pagtuo nakon.
----------
Banwa ko nga ginahangad,
   kagha sang akon mga kagha,
Mahal nga Filipinas, dunggi
   ang katapusan nga paalam.
Dira binilin ko’ng tanan:
   mga ginikanan kag gugma.
Makadto ako diin wa’y ulipon,
   manogpatay kag malupigon,
Sa pagtuo wa’y kamatayon,
   diin gahari amo’ng Diwa.
----------
Paalam, iloy, amay, mga utod,
   kabahin sang akon kalag,
Mga abyan sa pagka-lanubo,
   sa puloy-anan nga nalaglag;
Pasalamat nga ako mapahuway
   sa adlawng’ makalalapyo;
Paalam, dumalay-ong’ matam-is,
   abyan nakon, akon kalipay;
Mga tinugang’ mahal, paalam.
   Pagpakamatay, pagpahuway.

----------