— 8 —
binob reg neveladelas. Ut, kel olilom sagön obi pösode votik aikel binom-la: «Binol nevoladel», okanom säkön obe aikelosi vipom. Sägo vilob täno givön ome ledomi oba jönikün.
Jepel kel ililom vödis at rega, äsagom oke: *Benö, ologobs!»
Reg älöfom vemo lilön konön ventüris. Ofen pos vendelafid äkömom in kuk, e alim dünelas omik ämütom täno kanitön u konön bosi segun ked. Lä pöt somik reg äsäkom:
— E ol, jepel yunik, no li-kanol konön bosi?
— Lesi, reg! äbinom gepük.
— Benö, lilobs.
E täno jepel äkonom vontüri suköl.
— Vöno ven ägolob da fot, älogob kömön äl ob lievi jönik. Älabob in nam glöbili de picin; äjedob omi äl liev; ädlefom omi e äblibom klebön eb zenodü flom omik. Liev ämospidom nu ko glöbil de picin len flom. Äkolkömom lievi votik; äjokoms okis sovemo, das me glöbil de picin kap balima äblibom klebön len kap votima; dub atos äkanob fanön omis nefikulo. Liko tuvol atosi, reg?
— Atos binos vemik, äpepükom reg, ab fovolös.
— Büfo äkömob as jepel len kut olik, äbinob müleladünel in mül fata obik, e äblinob meili bonedeles. Del sembal ifledob sovemo cuki obik, das bäkabom omik äblekom.
— Ag, nim pöfik, äsagom reg.
— Ägolob täno al mogabim nilik e ko neif oba ädekötob bimalami, keli änindlanob in kop cuka obik, al duinön ome düni de bäkabom. Täno nim äsustanom denu e äpolom legudiko fledi omik äl bonedels, äsif badikos nonik ijenos ome.
— Binos vemik, äsagom reg; e li-täno?
— Äbinob vemo estunik del suköl — ibo atos äjenos in balsetelul — logön das tuigs, bleds e sägo
