— 7 —
— Nen dot, nud olik äbinom peflotöl.
— Milö! äsevokob, du äbesenob ko nam kopadili petädöl.
— Söl, äsagom beigolöl, lenpükölo fiziri, notob ole das nud olik flotom.
— Dani, söl, äsagom fizir, äsif inoton ome dini natikün vola, e sutoböl nami fulik de nif, äduinom [oke it düni öt keli man pöflik et iduinom] obe, ab keli en imesedob so badiko.
— Sikod, söl, nen yuf de man et...
— Ipölüdolöv nudi olik, äfovom fizir, du äröbom nudi okik.
— Täno söl, dalolös...
E äsukob ko spid gletikün benodeli obik, kel, tiköl ba das ädesidob mölodön omi, äbeginom leiko gonön ko spid gletik; e bi dled binom natiko vifikum ka danöf, nevelo irivoböv omi luvelatiko nen yuf pösodas anik, kels, logölo fugön omi du päsukom fa ob, ästopoms omi, bi ätikoms das äbinom tifel. Ven änakömob, älogob das äpükom ziliko, al dunön kapälön das äbinom te sinik de menäl tu mödik. Ruabs bals, kelis ägivob ome, äplänoms dini. Äkidom namis obik, e bal de plisenels kel äpükom flentapüki, äkonsälom obe kudön füdo nudi obik gudikumo.
Konsäl äbinom nezesüdik; du lemän spata obik no äfögetob kudön omi.
Jepel, kel ägetom ledomi demü vöd bal.
Vöno reg äsibinom, kel äsagom das nevelo ineveladom du lifüp omik. Älilom sagön nezediko pösodis kuta omik balimi votime: No binos velatik, binol neveladel! Atos ämiplidos ome levemo e äsagom fino:
— No umo vilob lilön pükön somo in ledom obik; foginel, lilölo olis, ätikomöv nen dot, das
