— 63 —
«Logolös!» fum äsagom, «smavegs mödik leik rekamöls jöniko äslik ies dugoms in cems, stoka- cem, zibasäl e slipacem; lä yan valik galel stanom e if ek kömom, galel vokom: kin binom is? e dälom neke nintlidön, kel no gepükom: «flen gu- dik!» Stokalucem obas binom so pefulöl das ka- nobs fidön du nifatim lölik, ibo vobobs e kon- letobs du hitatim lölik. If vilol binön jileson obas, getol kikis valik; mutol leodön valikosi e mökön lezibis obas.»
Nu fums votik valik äkömoms, äbeglidoms ofi ladliko as jilesoni, ädukoms ofi in slipasäl okas e äsagoms: «takedolös timili du golobs al vobön denuo; al zendelafid, keli omökol obes, okömobs denuliko. If vilol, kanol logedön kuladiko vali- kosi; binos so jönik is. Adyö!»
Ab Hilda ilogof lenosi, ibo äbinos daegikün.
— «Ag!» äseifof, ven äbinol soalik, if äbinob-la bufumo jileson nonik, e if äkanob-la mogolön, ag! ag!» Fumalufidel (1), kel älödom nilo, älilom ya mis de Hilda.
«Kisi givol obe?» ävokom, «if livob oli?»
«Kluzifili golüdik oba, keli labob len nökeb».
«No kanob gebön kluzifili, ab if vilol matön obi, savob oli, täno binol jireg fumalufidelas e atos binos mödikum ka jileson fumas.»
Hilda äsiof e fumalufidel ädistukom ledomi; äninstegom linegi lonedik oka e sunumo fums valik älagoms len om, kelis älufidom.
Ven Hilda älogof das fumalufidel äbinom so stonälik, ägetof keliedi ko fums dutik smalik, kels ilaboms flenöfi so mödik plo of.
— «O fumalufidel badik! elufidol flenis löfik gu- dik oba, nevelo kanob vedön jireg ola!» Hilda ävokof e ämogonof se fot.
(1) Fumalufidel=mirmécophage.
