Akömof al meid; us jigans älödofs, kels älabofs klotis jönik, vietik e kelofs älufidofs ganaflolis (1)
Ven älogedofs Hilda, äbeginofs foviko ganön, kelos ämalos sobido.
«Kif binol? kiöpa kömol? kisi sükol is?
— «Gödeli gudik! «Hilda äsagof, vilob te säkön olis: no li-nedols jilesoni?
«Obs it valik binofs jilesons», jigans ägepük- ofs, äsubladofs okis e äjonofs bäkis ofe.
— «Gans stupik!» Hilda äsagof e ämogonof.
Sunüno ärivof foti gletik. Us äbinos vemo lukalodik e böds äkanitoms kanitis levemo löflik in bledanuf geilik lutik.
— «Liko jönik binos us löpo usit lä böds ävi- poböv binön jileson», Hilda äniludof e älogedof lukisus vemo levipiko. Ab ven älogedof susü, älo- gof ni vegi, ni fumakumi gletik e äfalof ma loned oka.
«Kautö!» ävokos dis of, «tlidlol su futs oba!»
Hilda pejeköl äsubunof e älogedof fumi gletik röböl futi oma.
— «Sekusadolös», Hilda äsagof, «no edunob osi viliko, enülogob in bledasil glünik e no elogedob tailakumi (2) at.»
«Kikod nö!» fum enoföl ävokom, «atos binos ledom obas!»
— «So, atos li-binos ledom? li-nedols ba jile- soni?»
»Kikod no? Kömolöd ko ob e vilob jonön ole magifis obas.»
Ko vöds at fum änüslupom, Nütlid äbinom vemo nabik, ab Hilda ämemof bieni e äsagof nosi, ämekof oki so smalik äs äbinos mögik e ävumof po fum.
(1) Ganaflols = petites marguerites. (2) Tailakum = monceau de terre.