— 61 —
Kanals, kiluda; mekolsöd galön menis at talenik slipöl, bi glol obinom omes.
Sapals, foluda; pogolsöd nolelis at, bi obeläboms olis.
Florencio Arambilet (Spän).
JIGAM VIENA.
Hilda smalik äbinof cil venudik e plüetik, änolof hanilemis* jönikün, äbinof dutik e sukälik, blefo äbinof valikos, te no äbinof jileson e ivedoföv tuvili ko* som.
In gödel sembal jönik ätikof tudel mogolob e no gekömob sunumo, jüs binob jileson, e ko atos ägonof mofo da yan e da gad gletik su* äkolkömof bieni.
«Le*-nedols jilesoni nonik?» Hilda äkolvokof ome.
«No!» bien äsagom, «no nedobs jilesoni, ab jiregi ibo obsik edeilof; il* vilol, kanol kömön ko ob e vedön jireg».
— «O, atos binos nog jönikum ka jileson», Hilda ätikof e äsagof.* «Benö, vilob vedön jireg olas; li-labon jäfön mödikosi?»
«Lenosi, te fidön mieli», bien ägesagom.
— «Binob vemo kotenik en, löfob fidön patiko mieli, e kiöp olödob?»
«Is binom ledom obsik», bien äsagom, lüjonöl äl bienadom; ziöb jönikün e gletikün obinom plo ol; kömolöd, dukob oli ini».
— «Ag, no kanob nügolön, binob mödo tugletik», Hilda äplonof.
Il* no kanol atosi, täno no flagolöd i vedön jireg!» bien ävokom ezunöl, äflitom in dom, e äkikom yani das ätonodos.
«Vilob i leno vedön jireg, sod te jileson», Hilda äsagof e äspidof mofo.
