IV
Ven kalif ifinom jeni omik, jineitalül ädanof omi e äsagof:
— Lilolöd nu leigo jeni obik, täno osuemol, das binob no nemödikumo neläbik ka ol. Fat obik binom reg de Nidän, e ob, jison oma lebalik, pa- nemob Luisa. Magügel Kaschnur, kel ebemagü- gom olis, emekom i neläbik obi. Vöno ävisitom fati obik e ädesidom, das ävedoböv jimatel sona omik Mizra. Ab fat obik, kel binom man hitik, ämekom jedön omi de slebs. Äplöpos ome yedo nilön obi in föm votik. Ven äbinob del suköl in gad, desidöl flifamis anik, äblinom obe, naiklotom oki äs slaf, dlini kel äceinom obi in föm at hetlik. Täno ädukom obi äl ruin isik e äsevokom ko vög jekik: — Is omütol blibön, hetlik, sägo penesti- möl fa nims, jü deil olik, u jüs ek desidom oli, sa- go in föm at naudik, as jimateli: Su mod at vindi- tob pleiti ola e uti fata olik. — Siso muls mödik efegoloms. Lifob soaliko e lügiko as jisoalel in möns at, pehetöl fa vol; binob sägo lejek nimes; nat jönik binom pekiköl obe, ibo binob bleinik delo, e te täno if mun pakom liti oma fibik ovü möns at, veal falom de logs obik.
Jilül ifinof jeni ofik e denu äneluimof ko flitad logis ofa, ibo konam de lieds ofik imekom ofi dlenön.
Na jilül ipükof, kalif ämeditom lonedo. Fino äsagom:
— Klödob das kolag klänafulik sibinom bevü neläb obsik; ab kiöp otuvob kiki plo rät at?
Jilül ägepükof:
— Söl, blesenob atosi leigo, ibo in yun obik vom sapik eplöfetof obe, das stor sembal äblino- möv obe läbi gletik. I nolob ba, liko okanobs sa- vön okis.
