Kalif äbinom vemo estunik e äsäkom:
— Liko äkanobsöv dunön atosi?
— Magügel kel emekom obis nelübik, — äsa- gof jilül, — visitom mul alik ruinis. Nilü cem at sibinom sälun, Us glefidom egelo ko kopanels mödik. Ofen ya ebelielob omis, if äkonoms okes jemodis omsik; ba osepükom du koköm suköl vödi magügik keli efögetols.
— Ag, jileson löfikün, — äsevokom kalif, — sagolös, kiüp okömom e kiöp binom sälun?
Jilül änepükof du timil, täno äsagof:
— No lasumolsös osi badliko, ab te ko stip bal kanob befulön vıpi olsik.
— Pükolöd, pükolöd! — äsevokom kalif, — bü- dolöd te, kotenob ko stip alik!
— Älöfoböv binön libik togo; yedo — atos ka- nos te jenön, if bal de ols lofom obe nami omik.
Stors äjinoms binön boso kofudik demü stip at, e kalif ävinegom levesiri omik lüvön cemi ko om, bi ävilom besäkön omi.
— Levesir, — äsagom kalif bifü yan cema, — atos binos dinad nelesumik; äkanolöv yedo ma- tön ofi.
— Dat jimatel obik li-sekratof logis oba if ge- kömob al dom? — äsäkom levesir. — Zu binob man bäledik, — äfovom, e ol binol nog yunik e nepe- matöl, sikod kanol matön legudiko jilesoni yunik e jönik.
— Kim sagom yedo ole das binof yunik e jö- nik? — äseifom kalif. — Atos binos vemo dotik. Su mod at äkanoböv mekön vo lemi lebadik!
Äpükoms nog lonedo dö fikul at, ab ven kalif ädalogom fino, das levesir omik äbizugom blibön stor ka matön jilesoni pebemagügöl, äsludom be- fulön om it stipi.
Jilül en äbinof pegälöl levemo e änünof omes,
