ledoma. Kalif e kopanel omik ädugonoms cemis at al sükön pladili neluimik. Süpito stor Mansor ästopom.
— Söl e büdel, — äsagom loviko, — natiko bi- nos lestupik plo levesir, e nog mödikumo plo stor, dledön lutikälis. Deno lejekob smalilo, ibo elilob seifön e hagön is lekleiliko.
Kalif ästopom nu leigo e älilom vo dlenö lo- viko. Ävilom spidön äl plad, de kiöp yams äköm- oms, ab levesir äsumom omi ko tipamud omik len flitad, e älebegom omi no tömetön oki in pöligs nulik e nepesevik. Ab vanliko! Kalif, kel i dis storaflitad älabom ladi lanimälik, älelivom oki ko pölüd de pens anik e ämospidom. Suno irivom yani, kel no äjinom binön pekiköl löliko, e se kel älilom seifis kleilik. Ämanifom yani ko tipamud omik, ab ästopom pesüpitöl su svoad. In cem, kel äbinom pedalitöl spälniko fa tlelalitam, ädalogom jineitalüli gletik, siedöl su glun. Dlens bigik äfa- loms se logs ofa gletik e glöpik, e yams ofik äto- nodoms se tipamud ofa klugik. Ven yedo älogof kalifi äso levesiri omik, kel bevüno inilom leigo, äluvokof gälo. Äneluimof venudiko logis ofik ko flitad blonik, e ko stun gletikün stors bofik äli- loms sagön ofi in pük räbänik:
— Vekömö, stors! Binols obe mal gudik de sa- vam obik, ibo eplöfeton obe, das läb gletik äkö- momöv al ob dub stors!
Ven kalif inänom de stun omik, äbiegom ko nökeb oma lonedik, äpladom futis oma slenik ve- nudiko e äpükom.
— Jineitalül! segun vöds olik klödob, das bi- nol jiliedakopanel obik. Ab ag, spel olik das sa- vam okömom al ol dub obs, binom vanlik. Olese- vol ol it nenyuföfi obsik, if lilol jeni obas.
Jineitalül äbegof omi konön. Täno kalif äbegi- nom konön kelosi nolobs ya.
