Ven inakömoms us, älogoms stori, kel äsükom frogis, e kel äflapom sotimo ko flitads. Togo älogoms lelöpo in lut stori telid, kel ävebom äl top at.
— Yülob, sol benikün, — äsagom levesir, — das stors tel at laboms musami lejönik. Kisi on ätiko- löv, if ävedobs-la stors?
— Atos binos legudik! — ägepükom kalif, — ab büo mütobs meditön nog balna, liko vedon do- nu men. Mütobs biegön kilna äl lefüd e sagön: Mutabor, täno obinob denu kalif e ol obinol leve- sir. Ab sülö! no smilobsöd, voto obinobs pepölüdöl.
Du kalif äpükom so, älogom das stor telid äve- bom novifiko diso. Äsumon nu puri anik so bök, älofom böki levesire, kel äsukom sami omik, e bo- fiks äsevokoms. Mutabor!
Süpito futs omsik ävedoms storafuts lonedik e slenik, lams omsik ävedoms flitads, nökel äxä- nom ovü jots e ävedom vemo lonodik, balib äde- pubom e penaklot ätegom kopi.
— Liko labol tipamudi jönik, levesir, — äsagon kalif pos stun lonedik, — vo, nevelo elogob dini somik!
— Danob oli miegikiino, — ägepükom levesir, — ab dalolös obe lesagön, geilug, das binol ti nog jönikum as stor ka as kalif. Ab if plidos ole, vi- obs nu belielön kamadelis obsik, e oplakobs, va kanobs kapälön vo storapüki.
Bevüno stor telid inakömom su tal. Äklinom futis omik ko tipamud, äsmufom penakloti omik e ägolom al stor lä lak. Stors tel nulik äspidoms al nilön omis e äliloms ko stun pükoti suköl.
— Deli gudik, kamadel löfik, li visitol ya so gölo feli?
— Si, flen oba, edeblinob ebo göledi obik. Li- dalob lofön ole frogili?
— Danob oli, no labob pötiti mödik adelo. Y
