ekömob is demü kod votik. Adelo mütob danüdön komü lots fata obik, e nu vilob plägön obi büo smalilo.
Togo stor yunik äbeginom danüdön da fel su mod vemo drolik. Kalif e levesir älenlogoms osi ko stun. Ven stor ästanom yed lejöniko su fut bal, du äflapom ko flitads e äbiegom venudiko, smil ladlik ätonodom se tipamuds de kalif e de Mansor. Kalif äbinom balid kel äkanom pükön denu.
— Atos äbinos vemo drolik, — äsevokom. — Binos te däm, das nims stupik efugoms demü smil obsik, voto nen dot ikanitomsöv leigo.
Süpito levesir ämemom ko jek, das no ädäloms smilön. Änünom tlepi omik tefü atos kalife.
— Milö! — äsevokom kalif, — äbinosöv vo fased badik, if ämütobs-la blibön stors. Sagolöd ga obe vödi stupik, no umo kanob memön omi!
— Mütobs biegön kilna äl lefüd e sagön: Mu — Mu — Mu —
Äflekoms okis äl lefüd e äbiegoms sovemo, das tipamuds omsik äniloms gluni. Ab liedö! Vöd magügik idepubom so mem omsik, e do kalif äbiegom nezediko, e do levesir omik äsevokom laiko: Mu — Mu —, no äkanoms memön vödi, e kalif e levesir omik äbinoms e äbliboms stors.
III
Flens tel pebemagügöl ägoloms lügiko da fels; leno änoloms kelosi ädunomsöv in misalöf omsik; no äkanoms livamekön okis de storaskin omsik; leigo no äkanoms getävön al zif, al mekön okis pesevik, ibo kim iklödomöv stori? E ifi iklödonöv omi, lödels de Bagdad li-ävilomsöv stori as kalifi?
So äfegoloms dels anik e änulüdoms okis nebi- zugiko ko felafluks, kelis äkanoms fidön yed fiku- lo demü tipamuds omas lonedik. In frogs e söks
