— 51 —
Selim äbiegom e ägepükom miegiko:
— Vil olik jenomös, söl. Täno älelogom lonedo penädi, ab stipito äsevokom:
— Binos pük latinik, söl, binob en pesuadöl!
— Sagolöd te kelosi penäd ninöfom, — ägepü- kom kalif.
Selim äbeginom lovepolön:
— Men, kel etuvol atosi, lobolöd Godi demü ben ömik. If gebol puri in bök at äs tabaked, e if se- pükol togo vödi: Mutabor, okanol lensumön fömi de nim alik o okanol leigo kapälön püki nimas. If vilol lonsumön denu fömi ola menik, mütol bie- gön kilna äl lefüd e sepükön denu vödi at. Ab ku- dolöd; if binol nim, das no smilol, ibo täno vöd magügik ädepubomöv löliko so mem olik e äbli- bolöv nim.
Ven Selim ililadom atosi, kalif äbinom vemo gälik, Ämekom yulön noleli, bekipön egelo klani plo ok, älegivom ome kloti jönik e ädismitom omi. Täno äsagom levesire omik:
— No li-emekob lemi gudik, Mansor? Gälob ya obi das obinob nim! Kömolöd odelo is gölo, tä- no ogolobs kobo al fel; ogebobs puri anik se bök oba äs tabaked, e okanobs lilön, kelos papükos in lut e in vat, in fot e in fel.
II
Sosus kalif igöledom del suköl, levesir äpubom ya, al kopanön omi äslik ibüdom. Kalif no äföge- tom böki ko pur magügik, e na ibüdom sukefe omik no sukön omi, älüvom ko levesir oma ledo- mi. Ädugoloms balüdo gadis gletik de kalif, ab äsükoms vanliko nimi sembal al blüfön magüga- medi omsik.
Levesir ämobom fino golön al lak, kiöp ilogom ya ofen storis mödik. Kalif äbelobom mobi leve- sira omik e ägolom ko om al lak.