50
so lejönik, das pidob te, das no labob moni neze- südik mödik.
Kalif, kel ivilom mekön ya lonedo gälodi leve- sire omik, äbüdom slafe oma blägik vokön smate- deli. Slaf ägekömom suno ko smatedel, kel äbinom man smalik e bigik, ko logod blonik e peklotöl lebadiko.
Äpolom bogi, in kel älabom canis valnik: ma- gabis e linis, smagünis, köpis e köbis.
Kalif e levesir omik älelogoms valikosi, e kalif älemom fino plo ok e levesir omik smagünis jönik e plo jimatel levesira köbi magifik.
Ven smatedel ävilom kikön denu bogi omik, kalif älogom layeti e äsäkom va in om äbinoms leigo cans.
Smatedel ämanifom layeti e äjonom böki ko pur bläglik, e pöpi ko penam selednik, keli ni ka- lif ni levesir äkanoms liladön.
— Vöno ägetob dinis tel at de tedel, kel itu- vom omis in süt, — äsagom smatedel, — no nolob kelosi ninöfoms; vilob selön omis ole plo suäm pülik, bi laboms völadi nonik plo ob.
Kalif, kel älöfom labön in bukakonlet omik namapenädis bäledik, ifi no äkanom liladön omis, älemom penädi e böki e ädismitom smatedeli.
Nu kalif ävilom yed nolön kelosi penäd äni- nöfom, e äsäkom levesire, va no äsevom pösodi, kel äkanomöv plänön omi.
— Söl e büdel benikün, — ägepükom levesir, — in zif at lödom man, panemöl Selim, nolel, kel sevom pükis valik; büdolöd ome kömön, okanom ba plänön penädi ab klünafulik.
Selim pideblinom suno, e kalif äpükom:
— Selim, sagon das binol vemo nolelik; blüfo- löd liladön penädi ab; if kanol liladön omi, ogetol zälakloti nulik; ifno kanol liladön omi, ogetol fla- pis telselul, bi nemon di täno negito noleli.
