— 49 —
Te nog kanob konön liladeles obik, das läd relofik äpelof delidis de levitims, kels päliladoms in klinamöp so smadom et.
IV.
Büfü tim anik, so lesagom obe ut, kel sponom plo velat de konam at, smadom in kel ston blagik* äsibinom, pedeblekom e plad nu pagebom al konletön jüti e mioti.
Kodü datüvam at veütik eklemob desäni obik vafön obi ko ston blägik, al jedön omi su pösods et lukinik, kels äsagoms-la das utos, keli flans bifik ninöfoms, no binos velatik.
Jen de kalif stor.
——
I
Kalif de Bagdad äsiedom vöno du pozendel jönik su söf oma; islipom smalilo, ibo äbinos del vamik, e nu pos slipil omik äbinom vemo yofik. Äsmokom se pip lonedik de lolaboad, ädlinom sotimo bovili kafa, keli slaf älofom ome, e alina äliunom oke koteniko balibi; blefo, ä kanon logön, das kalif äbinom in vim bizugik.
Ya tim at äkanon pükön legudiko ko om, bi äbinom täno egelo benälik e menälik; sikod levesir oma Mansor ävisitom omi deliko za düp et.
So äkömom i pozendel at, ab ta kösöm omik Mansor äjinom binön vemo meditöfik.
Kalif äsumom pipi se mud omik e äsagom:
— Kikod mekol logimi so meditöfik, levesir?
Levesir na iglidom plütiko büdeli omik, ägepükom:
— No nolob, söl, va mekob logimi meditöfik, ab diso in ledom binom smatedel, kel labom dinis
