ole ceti fulik de nobastons e de diamins. I golüd sibinom is.
— Golüd valik binomös peneläbadöl — ämurof vom bäledik nesufadiko. — Lüvolöd valikosi, sägo dinis kostikün, ab spidolöd, voto posepol lifik.
— Binob ya su sleb — jifatel oba, — ab no kanob logön is. Lejekö! Kiöp binom lit olik?
— Jisonlil, Jisonlil, ston otegom foviko hogi, lam obik filedom pla litab; ab kömolöd, spidö.... spidö...
Luvok de jekam äbinom gepük lebalik jipula.
Ston blägik idenusumom pladi omik e jiyunel jönik äblibof pesepöl plo egelo.
III.
Dels kil äfegoloms e neitagalels, pestigöl fa nilels, ämanifoms mekado yani smadoma.
Labed misalöfik de voms bofik äbinom nepe- dämöl, e nos äsinifom tifi ni mekadi.
Deno voms no äpubofs. Vanlik äbinom xämam kudik, keli ämekon valöpo. Te bal de neitagalels, pesevik demü sükäl omik, älesagom das kum zena, keli ituvon in yad smadoma, älönom al kop de vom bäledik, keli icedöm egelo jimagügeli.
Lesag at äkodom te, das jinilels äsevokofs: Ru- fina pöfik! ibo so jisonlil känemof, kolosi nünobs, do lato, liladeles obsik.
Yusit älesagom das smadom äbinom löliko ne- lödik, ab do sepükad de yusit binom nedevotlik, deno neits valik za düp balsetelid yams misalöfik ämekoms dlemön de jek galelis in zifastük et.
Vög kel äpälom yamis äbinom so tonik e togo so dudlanöl, cas valiks kels äliloms omi, äsenoms migi de kolied e de jekam.
Pecalels de cödöp sanik ämekoms xämamis nezedik. Ab vanliko! Do vög ätonodom dis ston, no en äkanoms tuvön kodi.
