Pos vob kudik plöpofs mekön litabi de loned de met za.
— Nu din oplöpos — äsagof jipul.
— Ab li- okinol ningolön in plad et disatalik, fa- lo ston xänom...? Loveletolöd obe pöligikosi de kinam.
— Leno, jifatel; efomob sludi obik. Ovälob no- bastoni gletikün e en okotenob. Desidam no ome- kom zogön obi äs äzitosöv ko ol, if äningolol-la in ninvag.
— Vilgin sanik dukofös oli, äbinos lebalikos, ke- li vom bäledik ägepükof.
Äfilabof litabi e äbeginof danüdön nevifiko zi ston.
U ston älabom desidi natemön luti flifik, u fäd votik milagik äzitom, jen binom das ston, na vom bäledik idanüdof boso zi om, äsänom jü geil öt.
— Nu binos tim, jisonlil; ab gekömolöd suno, ibo no labob konfidi mödik in näms obik,
— Binolöd nen tlep — ägepükof jipul, stepölo su sleb nelfanögik.
Düp foldilik ifegelom e mufs de vom bäledik ävedoms aiumo nevifik.
Te fin smalik de litab pälemänom nog al filedön.
Tlep jidanüdela selednik äbinom levemik.
— Jisonlil obik — äsevokof ko vög fenik, — ston disagolom, futs obik no umo kanoms polön obi, e väk filedom finedis obik; gekömolöd spido, jison- lil pelöföl!
— Valadolös du timil, yunel konom obe jeni omik, keli löfob lilön.
— Fugolöd — vom bäledik äsagof denu, — töbo hogil palemänom ole, da kel kanol moslupön. No umo kanob mufön obi, litab nösom oki. Kömolöd, kömolöd spido!
— Lanimö — äsagof vög tonik jipula. — Koblinob
